San Lucas 6:3 - Dibshon Mengi-kan Ni Pansigshan

³ Si Jesus, simongbat ja kowan to ey, “Arig to ngo sota inpasing nen Ari David nonta bayag da ni inka‐ekang to, tan sota ira too to. Apay eg jo aya amtay dingka to?

San Lucas 6:3 Iomraidhean Croise

San Mateo 19:4

Si Jesus, sinongbatan to ira ja kowan to ey, “Apay eg jo aya binasa sota esel nen Apo Shiyos ja naysolat nonta bayag da ja kowan to ey, ‘Manshoki nonta pilmiro, pinalsowa nen Apo Shiyos i daki tan bii.’

San Mateo 21:16

Jet kowan sha so nen Jesus ey, “Apay nga eg mo selkagen ira ma a‐anak? Apay eg mo aya itenengan ima kowan sha?” Sinongbatan ira nen Jesus ja kowan to ey, “Owen, intenengan ko. Nem apay eg jo aya binasa sota esel nen Apo Shiyos ja naysolat nonta bayag da? Kowan to met ey, ‘Sota ira a‐anak tan sota ira koyat, si‐kara et ngo mowan i podno i shaka panshedjaw!’ ”

San Mateo 21:42

Jet si Jesus, inbag‐an to ira, ja kowan to ey, “Jet eg jo amten mengi‐odog ngarod nonta esel nen Apo Shiyos ja naysolat nonta bayag da? Kowan to met ey, ‘Sota baton binedaw ira nonta para amag ni baley, ja kowan sha ey enshiy silbi to, si‐kato et ngo mowan gayam i epateg ga bato so ni emin. Si Apo Shiyos i makabaal niyay ya edaga jet kaskasshaaw i tayosoka pengidmang.’

San Mateo 22:31

Nem sigosho eg jo pati‐en ey manbiyag mowan i nanketey. Apay eg jo aya binasa sota kowan nen Apo Shiyos son si‐kayo ja naysolat nonta bayag da ja kowan to ey,

San Mateo 4:2

Jet nontan si Jesus, eg eng‐engan ni epat ta polon akew, tan epat ta polon dabi, tep epaladoy kepemeshas nen Satanas. Jet idi naksheng iyay, na‐agang si Jesus.

San Marcos 12:10

Eg jo amten mengi‐odog aya nonta esel nen Apo Shiyos ja naysolat nonta bayag da? Kowan to met ey, ‘Sota baton binedaw ira nonta para amag ni baley, ja kowan sha ey enshiy silbi to, si‐kato et ngo mowan gayam i epateg ga bato so ni emin.

San Marcos 12:26

Nem sigosho eg jo pati‐en ey manbiyag mowan sota nanketey. Apay eg jo aya binasa sota kowan nen Apo Shiyos son Moises ja edapo nodta emanshedang nga kadasan? Insolat nen Moises nonta bayag da i esel nen Apo Shiyos, ja kowan to ey, ‘Si‐kak si Apo Shiyos, ja Shiyos shi Abraham, Isaac, tan si Jacob!’