San Lucas 6:29 - Dibshon Mengi-kan Ni Pansigshan

²⁹ No ẃaray menengpel ni tamil mo, itodok mo pay ya angken pinshowa‐en tod piig. No ẃaray mengeda ni jakit mo, itodok mo pay ya angken al‐en toy barom.

San Lucas 6:29 Iomraidhean Croise

Hodiyos 10:34

Ta kinaasi‐an jo met sota ira naybalod ja kait jo. Jet idi pinidiw sha sota kokowayo, intolok jo, ja eg kayo nandaringit, ta amtayo ey ẃara aliy kokowayon mapmapteng, ja eg ma‐omas, ja ẃara ni olay ingkatod ingka, ja emansessesked son si‐kayo.

2 I-Korinto 11:20

Nem joka iba‐ngat i onod nonta toon emengila‐kad son si‐kayo! Say shaka pesing met son si‐kayo ket shaka al‐ay kokowayo, ireka mayda‐da‐kam bengat, angsan i shaka pesing son si‐kayo, ja angken bebaingan shakejo pay. Jet joka enosi ira!

1 I-Korinto 6:7

Sajay ya joka panshiringkol, si‐katoy ka‐asan to ey singa eg jo benolan i pamatiyo met laeng. Say mapteng nga pesing jo koma, eg kayo mekiringkol; angken ontolok kayon ma‐ebak, angken doko‐en shakejo.

San Juan 18:22

Idi naksheng nga inkowan nen Jesus iyay, sota sakey so nonta ira kowadja, sinedpak to si Jesus ja kowan to ey, “Apay nga satan i moka pesing nga menongbat so nita kangeto‐an na pari?”

San Mateo 26:67

Jet tinopsha‐an shay dopa to. Shinengpel sha, tan ẃara pay aliy eshom ma enedpak son si‐kato,

1 I-Korinto 4:11

Jet ingkato niman na oras, kamika mankodang ni kenen mi tan inomen mi, enshi pay i koston baro mi, tan enshiy baley min pan‐iyanan mi; shakamika pay panshangkasi.

Inpaspasing 23:2

Jet sota kangeto‐an na pari ja si Ananias, inkowan to nonta nay‐askang so nen Pablo ey sedpaken shay bongot nen Pablo.

San Lucas 6:30

No ẃaray manbeka son si‐kam, i‐kan mo son si‐kara i piyan sha. Tan no ẃaray indaren kokowam, angken eg mo en odi‐en.