San Lucas 6:22 - Dibshon Mengi-kan Ni Pansigshan

²² Mebindisiyonan kayo no okesen shakejo ono eg sha ikarin kait shakejo, ono bebaingan shakejo, ono ikowan sha ey ngaaw kayo tep too takejo.

San Lucas 6:22 Iomraidhean Croise

San Mateo 10:18

Jet ikoyod shakejo pay shi sango‐an nonta ira gobinarol, tan sango‐an nonta ira ari, ta too takejo. Jet sotan i ẃaya jon mengiringan na mengikowan son si‐kara ni maypangkep son si‐kak. Tan angken sota ira aliẃen Hodiyos, ẃaray ẃaya jon mengikowan son si‐kara.

San Mateo 10:22

Jet angken si‐kayo, sota joka pemati son si‐kak, si‐katoy kabol la okesan shakejo so ni karakdan na too. Nem sota mengitoded ni angken nganton digat ja onsabi son si‐kato, si‐katoy maysedakan.

San Mateo 10:39

Sota mengaẃan ni biyag to, mepokaw son si‐kato et ngo mowan. Nem sota mepokaw i biyag to maypangkep son si‐kak, odi‐en to met laeng sotan na biyag to ingkatod ingka.

San Lucas 20:15

Inkoyod sha nga agpayso sota anak nonta makabo‐day nontan et inbo‐day sha nodta alad et binonora.” Kowan nen Jesus ni arig to. Jet nontan ma, kowan nen Jesus ey, “Nganto emoy pesing nonta makakokowa nontan na bo‐day so nonta ira toon inpangajowan to?

San Lucas 21:17

Sota joka pemati son si‐kak, si‐katoy kabol la okesan shakejo so ni karakdan na too.

San Lucas 6:21

Mebindisiyonan kayon nanka‐agang niman, ta mepnek kayo di! Mebindisiyonan kayon emannengis niman ni daringit jo, ta mandadsak kayo di!

San Juan 12:42

Nem eshakel met laeng iray toray ja emati son Jesus, nem sajay iren emati, eg sha ipa‐sas ey emati ira, ta entakot sha iray Parisiyo ey a‐kalen sha ira shima sa‐nopan ni Hodiyos, ja eg ma ira mebedin na mekisa‐sa‐nop.

San Juan 16:2

Ta a‐kalen shakejo pay shima dogad ja sa‐nopan ni Hodiyos, ja eg shakejo ma ipalobos ja mekisa‐sa‐nop son si‐kara. Aliẃen sotan bengat: sota pay ira memono son si‐kayo, say ẃared nemnem sha, kowan sha ey sotan na dag‐en sha, aliẃen basol, no diket shaka pandag‐a ja para son Apo Shiyos.

San Juan 17:14

Sota inkowan mo son si‐kak, inkowan ko ngo son si‐kara, jet sajay iren too, emati ira son si‐kak. Jet sota tood ja dobong ja eg emati, kontra sha ira ja took, ta eg nay‐inges i ogadira so nodta ira eg emati.

San Juan 7:7

Si‐kayo, aliẃen kontra shakejo niya tood ja dobong, nem si‐kak, kontra sha‐ak, tep naka pan‐ikowan son si‐kara sota ngaaw wa aramid sha.

San Juan 9:34

Jet sota ira pangolo ni Hodiyos, kowan sha ey, “Sesi‐kam, kowan mo ey tod‐an mokamin maka‐amta ni dinteg, ey inba‐deg may basol!” Idi enaksheng iyay ya inkowan sha, ingkal sha nodta sa‐nopan ja kowan sha ey eg ma mekisa‐sa‐nop.

Inpaspasing 22:22

Sota ira totoo, siningpet shen nanteneng nin nonta kowan nen Pablo. Nem idi intenengan shay kowan nen Pablo ey piyan nen Apo Shiyos ja maytod‐an ngoy toon aliẃen Hodiyos, kimeljaw ma ira, ja kowan sha ey, “Bono jo itan na too! Enshiy kenkenshat ton manbibiyag shiya dobong!”

Inpaspasing 24:5

Sajay ya too, sinokalan mi ey makedsel; emengi‐kan ni kolo shi emin na kad‐an ni Hodiyos. Tan sakey pay, si‐katoy pangolo nonta badon sinan pamati ja intoro kono nonta sakey den toon i‐Nasarit.

Inpaspasing 9:16

Jet niman, ipa‐sas ko ngo son si‐kato no kas‐ano i digat alin da‐kaman to ni pengikowan to ni maypangkep son si‐kak.” Kowan nen Apo Jesus.

Santiago 1:12

Mebindisiyonan sota toon eg to tengdawan i digat tan eg to itolok i kesairo to. Sotan i ka‐asan to ey podnoy pamati to, isonga say kon‐oren to, sota biyag ja enshiy to engintegan, tep si‐katoy inkari nen Apo Shiyos ja i‐akan to so nonta ira toon ẃaray semek to son si‐kato.

1 San Pedro 3:14

Nem no bilang ey manda‐kam kayo ni digat pangkep nonta dingkayon piyan nen Apo Shiyos, mebindisiyonan kayo. Isonga eg kayo koma ontakot so ni kait jon too, ono kayo manshanag pangkep ni pena‐kot sha.