San Lucas 6:19 - Dibshon Mengi-kan Ni Pansigshan

¹⁹ Emin ira sota too, piyan shen pishaten si Jesus, ta makedsang nontan i panakabalin ton mengkal ni sakit, jet mimapteng iren emin.

San Lucas 6:19 Iomraidhean Croise

San Mateo 14:36

Jet sota ira totoo, kinshew sha son si‐kato ey no mebedin, angken sota kajaran bengat ni baro to i pishaten sha say onmapteng ira. Jet emin sota ira emirat ni baro to, mimapteng ira.

San Marcos 3:10

Ta eshakel i inpamapteng ton toon emanpansekit et emansisikil i emin na toon kaonsanakit ja kowan sha ey pishaten shes Jesus.

San Marcos 5:30

Nem idi koston pinishat toy baro nen Jesus, dinekna ngo nen Jesus ey ẃaray na‐agasan ja emirat son si‐kato. Nanposipos nodta kawa ira nonta eshakel la too et kowan to ey, “Sipay emirat niya barok?”

San Marcos 6:56

Angken toway daẃan nen Jesus nontan — shi siyodad, shi baryo, ono shi angken nganton kawad‐an ni too — ẃaren kenshat i emaysespa ja totoon emansekit, jet kinshaw sha ni olay son si‐kato ey no mebedin, angken sota kajaran ni baro to i pishaten sha say onmapteng ira. Jet emin sota ira emirat son si‐kato, mimapteng ira.

San Marcos 8:22

Mimotok ira maled Bitsaida et shiman, in‐ilaw ni tood man i toon ekorab son Jesus jet inshawat sha son Jesus ey pishaten to kono say ma‐kal sota korab to.

San Lucas 5:17

Idi sakey ya akew, emantosho si Jesus, jet ẃara ira sota Parisiyo tan mamaistoro ni dinteg ni Hodiyos ja timanongaw. Edapo ired ma emin na ili ni Galilia, Jodia, tan shi Jerusalem. Sota panakabalin nen Apo Shiyos ja mengkal ni sakit, ẃara son Jesus.

San Lucas 6:18

Dimaw iren en nanteneng ni kowan nen Jesus tan sha pay inpa‐ekas i sakit sha. Angken sota ira toon pingketan ni dimonyo, dimaw ngo iren nanpa‐ekas jet mimapteng ma ira.

Inpaspasing 19:12

Jet sota ira totoo, indaw shay towaljara, ono panjora, ja sha inpirat shi bakdang nen Pablo, jet sotan i inpamapteng so nonta ira emanpansekit, tan mimapteng ngo sota ira toon pingketan ni dimonyo.

1 San Pedro 2:9

Nem si‐kayo, pinidi shakejo nen Apo Shiyos ja manbedin ni too to, tan si‐kayo pay i pinidi ton may‐eshig ey singa parin mansilbi son si‐kato ja Ari tayo. Isonga si‐kayoy indasin ton too to tep piyan ton si‐kayoy mengipa‐amta so ni eshom ni kaskasshaaw wa inpasing to son si‐kayo, ta nontan, singa ẃara kayod embolinget nem dineẃagan toy nemnem jo.