San Lucas 6:12 - Dibshon Mengi-kan Ni Pansigshan

¹² Nontan na timpo, dimaw si Jesus shi shontog ja en nanshawat ni sandabi son Apo Shiyos.

San Lucas 6:12 Iomraidhean Croise

San Mateo 5:1

Jet nontan, idi inon‐an nen Jesus ira sota eshakel la too, eniyed nodta shontog. Idi timongaw ja esagana men mantosho, nay‐eshom ali ira sota too to.

San Mateo 6:6

No mansheẃat ka so nen Apo Shiyos, say pesing mo, daw ka shima kowadtom et pandekeb ka, asan ka manshawat so nen Apo Shiyos ja Amam. Jet si‐kato, ẃara nodtan na kowadtom ni moka pansheẃat ni abos mo, jet si‐katoy mengi‐kan ni konkonam.

San Marcos 1:35

Nonta daem mala, bimangon si Jesus et dimaw shi naydasin na dogad ja enshiy too, jet nanshawat son Apo Shiyos shiman.

San Marcos 3:13

Dimaw si Jesus shi shontog et sina‐nop to ali ira sota kinosto‐an to, jet dimaw ira son si‐kato,

San Marcos 6:46

Jet idi indekjas to ira, timiyed shima shontog ja en mansheẃat so nen Apo Shiyos.

San Lucas 5:16

Nem indekjas to sota eshakel la totoo et dimaw shima dogad ja nay‐araẃid kawad‐an ni totoo, ja en nanshawat so nen Apo Shiyos.

San Lucas 6:11

Nem sota ira Parisiyo, ireka onbanonget et nantatabal ira nem ngantoy pesing sha son Jesus.

San Lucas 6:17

Si Jesus, shimalong ja nay‐olop so nonta apostol to et simalsheng ira nodta eshekdanan. Jet ẃara ngo ira nodtan i eshakel la too to, tan eshakel pay iray totoon edapod ili ni Jodia, Jerusalem, tan shi kilig ni baybay ja siyodad ja kowan sha ey Tira tan Sidon.

San Lucas 9:18

Nonta sakey ya akew, dimaw sota too nen Jesus son si‐kato nonta toka pansheẃat son Apo Shiyos, ni abos to. Jet inbag‐an to ira, ja kowan to ey, “Ngarantoy kaikowan ira ni totoo ni maypangkep son si‐kak? Eg sha aya tabtabalen nem sipa‐ak?”

San Lucas 9:28

Waray makadomingko ja edabas da ni inkowanan to so niyay, jet si Jesus, inodop tos Pedro, Juan, tan si Santiago, jet dimaw iren timiyed shi shontog ja en mansheẃat son Apo Shiyos.

San Lucas 9:29

Idi maramen emansheẃat si Jesus, nanbaliw i itsora ni dopa to. Angken pay sota baro to, nanbalin ni empotin pasiya ja emenenili.

San Juan 6:3

Si Jesus, inodop to iray too to, jet timiyed ira shima shontog, ja kowan to ey itod‐an to ired man.

I-Kolosas 4:2

Jet iyay i bilin ko son si‐kayo ni maypangkep ni pansheẃat jo son Apo Shiyos. Karejo diẃayan na mansheẃat son si‐kato; karejo ekdasan, tan karejo dibdibkan ja man‐iyaman son si‐kato.

Hodiyos 5:7

Jet nonta kawasha nen Jesus shiya dobong, toka inangis tan toka ikedsang no sina‐shom i toka pansheẃat so nen Apo Shiyos, ta si Apo Shiyos bengat i makabaal ja memiyag mowan son si‐kato nem metey, jet intenengan nen Apo Shiyos, ta si Jesus, toka i‐onod ni olay i piyan nen Apo Shiyos ja dag‐en to.