San Lucas 5:3 - Dibshon Mengi-kan Ni Pansigshan

³ Si Jesus, en nandogan nodta bangka nen Simon et inkowan to son Simon ey itolshon to sota bangka say onbetaw ni otik shima kilig ni baybay. Timongaw si Jesus nodta bangka et tinod‐an to ira sota eshakel la totoo.

San Lucas 5:3 Iomraidhean Croise

San Mateo 4:18

Idi sakey ya akew, eman‐ekad si Jesus shima kilig ni baybay shi Galilia et inon‐an to sota san‐agi ja si Andres nen Simon. (Si Simon, Pedro met laeng i shaka pengeẃag son si‐kato.) Shaka pan‐iteknal sota embanaw wa balshew shi shanom, tep nigay i shaka panbiyagi.

San Marcos 3:10

Ta eshakel i inpamapteng ton toon emanpansekit et emansisikil i emin na toon kaonsanakit ja kowan sha ey pishaten shes Jesus.

San Marcos 3:9

Inkowan nen Jesus so nonta ira too to ey mengisekana ira ni bangka ja pan‐iyanan to tep kowan to ey baka i‐ipit nonta eshakel la totoo.

San Lucas 5:2

jey on‐an to i showen bangka shima kilig ni baybay ja naytangkag. Sajay ya bangka, indekjas ira nonta emannikay tep shaka pan‐idaba sota embanaw wa balshew sha.

San Juan 8:2

Jet idi eẃa‐ẃa, bimowas sa pasiya ja dimaw mowan shima Timplo. Eshakel ira sota totoon esa‐nop son si‐kato, jet si Jesus, timongaw ja nantoro son si‐kara.