San Lucas 5:27 - Dibshon Mengi-kan Ni Pansigshan

²⁷ Idi naksheng iyay, si Jesus, bimo‐day et inon‐an to sota para singil ni bowis ja nanngaran ni Levi, ja eman‐obded opisina to. Kowan nen Jesus son si‐kato ey, “Kala, kay‐olop ka son si‐kak et manbedin ka ni took.”

San Lucas 5:27 Iomraidhean Croise

San Mateo 10:3

si Felipe nen Bartolome; si Tomas, si Mateo ja istay para singil ni bowis; si Santiago ja anak nen Alpio, si Tadio,

San Mateo 16:24

Inkowan pay nen Jesus so nonta too to ey, “No sipay makapiyan ja on‐onod son si‐kak ja took ni olay, mesepol la si‐kak bengat i nemnemnemen to ja ibiyang ton emin i kompormi. Tan mesepol la enosan to pay ya angken maybebaing ono mebono ja inges to sota toon emasan ni koros ja kaydansa‐an to.

San Mateo 8:22

Nem si Jesus, simongbat ja kowan to ey, “Kala et, olay ngo ira sota toon eg sha amtes Apo Shiyos ja mengisingpet nonta etey. Maybidang ey etey ira, jet anam shen mengibka ni etey ya too.”

San Marcos 3:18

si Andres, Felipe, Bartolome, Mateo, Tomas, Santiago ja anak nen Alpio, si Tadio, sota si Simon ja bitirano,

San Lucas 18:22

Idi intenengan nen Jesus iyay, kowan to ey, “Wara pay laeng i sakey ya kolang mo. Ilekom ira sota kokowam et sota dako to, iweshis mo so nonta ira nankebiteg. No sajay i pesing mo, say kawad‐an ni kabaknang mo ma, naytalo shi dangit. Jet no meksheng nga sotan i pesing mo, kay‐eshom ka di so ira niya took!”

San Juan 1:43

Idi eẃa‐ẃa mowan, si Jesus, ninemnem ton ondaw shi Galilia, jet simbi to si Felipe shiman ja kaidiyan nen Andres nen Pedro ja i‐Bitsaida. Kowan nen Jesus son Felipe ey, “Kala, kay‐olop ka son si‐kak say manbedin ka men took.”

San Juan 12:26

Sota toon makapiyan ja mansilbi son si‐kak, mesepol la si‐kak i onoren to. No toway kad‐an ko, si‐kato ngoy kawad‐an to, jet sota ira toon emati ja emansilbi son si‐kak, i‐aknan nen Amak ni shayaw sotan na too.”