San Lucas 5:15 - Dibshon Mengi-kan Ni Pansigshan

¹⁵ Nem sota shamag maypangkep so nen Jesus, asdeg ton nayẃaris pay shima angken araẃin dogad jet sota ira eshakel la totoo, dimaw iren en nanteneng ni kowan to, tan sha inpa‐ekas i sakit sha.

San Lucas 5:15 Iomraidhean Croise

San Mateo 9:26

Sajay ya dingka nen Jesus, eshamag shiman na kedogadogad.

San Mateo 9:31

Nem sajay iren too, sha et inkokowan shi eshom sota dingka nen Jesus son si‐kara; nakol ni inamta‐an ni totoon emin nodtan na dogad i maypangkep so nen Jesus.

San Marcos 1:28

Jet sajay ya shamag pangkep son Jesus, nayẃaris shi emin na sakop ni Galilia ja nay‐esop nodtan na kawad‐an sha.

San Marcos 1:45

Nem sota toon na‐kal i bayang to, inpaleẃag to ey inpamapteng nen Jesus i bayang to. Jet sajay ya shamag, asdeg ton nayẃaris pay shima angken araẃin dogad. Nakol ni si Jesus, eg mala maka‐edaw shi angken nganton siyodad. Nan‐iyan ni olay shi naybetaw iren dogad, nem angken ẃared naybetaw, eg ngoreshan ma‐enshiy eshakel la totoon kaondaw son si‐kato ja emedepod kompormin dogad.

San Marcos 3:7

Si Jesus tan sota ira too to, indekjas sha sotan na dogad et dimaw ired kilig ni baybay. Jet eshakel la pasiya iray toon imonod son si‐kato: iman i nankedapod Galilia, iman i nankedapod Jodia,

San Lucas 12:1

Nontan, shimakel la pasiyay totoon emay‐odo‐odop son Jesus, ja shaka pay pan‐ikatin i sedi ni eshom. Jet nontan, ẃaray inkowan nen Jesus, nem ẃa‐ẃa‐shen sota too to i toka pan‐ikowani so; kowan to ey, “Tanshaaniyo iray Parisiyo, tep singa mapteng ira nem o‐owap gayam i kamapteng sha. Baka ma‐edinan kayo ni ngaaw wa ogadira, ja singa inges toy para debag ni tinapay ja toka edinay kaydaokan to.

San Lucas 14:25

Nontan, eshakel la pasiya i totoon emay‐odo‐odop son Jesus shi shalan. Nanposipos si Jesus et kowan to son si‐kara ey,

San Juan 6:2

Jet eshakel la pasiyay toon imonod son si‐kato, ta inon‐an sha sota kaskasshaaw wa dingka to, ni inmapteng ira nonta emanpansekit.

1 Timoteo 5:25

Kasta met i mapteng nga aramid. Waray ma‐amta‐an shagos, nem ẃaray eshom ja eg nin ma‐amta‐an niman. Nem no ma‐onod alin timpo, si Apo Shiyos, ipa‐amta to ey sotan ngo eshan i mapteng nga aramid.