San Lucas 5:11 - Dibshon Mengi-kan Ni Pansigshan

¹¹ Idi inkowan nen Jesus iyay, inkoyod sha sota bangkara shima kilig ni baybay. Indekjas sha sota ira bangkara, tan angken pay sota emin na kokowa sha, jet nay‐olop ira son Jesus ja nanbalin iren too to.

San Lucas 5:11 Iomraidhean Croise

San Mateo 10:37

Sota pipiyan toy ameto, ono ineto nem say si‐kak, eg maykeshin took. Angken sota makapipiyan ni anak ton bii ono daki nem say si‐kak, eg maykeshi ngo ey took.

San Mateo 19:27

Simongbat ngo si Pedro ja kowan to ey, “Karam ngo dibdibkan ey si‐kami, indekjas min emin i kokowa mi nonta nanbalinan mi ni toom. Jet ngaranto ngarod i konkona mi?”

San Mateo 19:29

Jet ikowan ko son si‐kayo, no sipay engilekjas ni baley to, a‐aki to, annak to, bo‐day to, ono sota maka‐anak son si‐kato, kabol ni inpamati to ni bilin ko, ebadbadeg ga pasiyay eẃaten to ja angken mansandasos, tan kon‐oren to pay i biyag ja enshiy to engintegan.

San Mateo 4:20

Jet idi inkowan nen Jesus iyay, indekjas nonta san‐agin shagos sota embanaw wa balshew sha et si Jesus i nay‐olopan sha.

San Mateo 4:22

Jet nontan met laeng, indekjas sha shagos si amesha tan sota bangkara, jet eki‐odop ira son Jesus, jet nanbalin ma iren too to.

San Marcos 10:21

Jet si Jesus, insi‐ning to sota too jet nasmekan so nen si‐kato, jet kowan to ey, “Wara pay laeng i sakey ya kolang mo. Daw ka, mo ilekon emin sota kokowam et sota dako to, iweshis mo so nonta ira nankebiteg. No sajay i pesing mo, maytedo shi dangit i kabaknang mo. Jet no meksheng nga sotan i pesing mo, kay‐eshom ka di so ira niya took!”

San Lucas 5:28

Jet si Levi, indekjas ton emin et nay‐olop son Jesus ja nanbalin ni too to.