San Lucas 4:6 - Dibshon Mengi-kan Ni Pansigshan

⁶ Kowan nen Satanas son si‐kato ey, “I‐akan ko son si‐kam ma emin iyay ja kokowa‐en mo, jet si‐kam may mengitoshay ja enshiy maka‐inges son si‐kam. Ta nay‐awat iyay ya emin son si‐kak, jet i‐awat ko ngo ni piyan kon pengi‐kanan.

San Lucas 4:6 Iomraidhean Croise

San Lucas 4:7

Emin ira jay, i‐akan ko son si‐kam no si‐kak i pantedimokoshan mo ja panshedjawan.”

San Juan 12:31

Niman ma i panshoki ni keshosa ni tood ja dobong, tan niman i keshagshag nonta emengitoshay niya dobong ja si Satanas.

San Juan 14:30

Enshi may enshokey ya timpok ja mekitbal son si‐kayo, ta sota engitoshay niyay ya dobong, ja si Satanas, iyay aliy intorong to; nem aliẃen si‐katoy engitoshay son si‐kak.

San Juan 8:44

Inges jo eshan i ogadi nen Satanas ja amejo. Say pipiyan jon onoran na dag‐en, sota piyan nen Satanas. Nonta pilmiro, si‐katoy engipangdon bimono. Enshin polos son si‐katoy podno, no diket say pipiyan ton dag‐en, sota pan‐o‐owap. No ẃaray ikowan to, o‐owap pa emin, ta si‐katoy ogadi to. Jet si‐katoy amejo; isonga say joka pati‐a ket sota o‐owap.

2 I-Korinto 11:14

Iso gayam ma angken si Satanas, singa anghil ja mismon edapo son Apo Shiyos no sin‐arom, nem emengi‐o‐owap kari.

I-Ipiso 2:2

Nontan, say joka on‐onora, sota ngaaw wa aramid, ja inges ni aramid ira nonta karakdan na tood dobong ja eg memati son Apo Shiyos, jet angken sota panakabalin nonta eg ma‐sas ja si Satanas, istay ya joka pati‐a. Si Satanas i emengitoshong niman so nonta ira emenopngil so nen Apo Shiyos.

1 San Pedro 1:24

Isonga ẃara sota naysolat nonta bayag da ja esel nen Apo Shiyos ja kowan to ey, “Say itsora ni biyag ni emin na too, entikey; isonga may‐eshig ey singa edet. Jet say shayaw ni too, inges toy itsora nonta sabsabong nonta edet. Sota edet, maganon mekkit jet sota sabong to ngo, ma‐kas.

1 San Juan 5:19

Amta tayo pay ey ẃara kito son Apo Shiyos, nem saja intiron dobong ja naydaokan tayo, tinngel nen Satanas.

Inpa-Amta Nen Jesucristo 12:9

Jet sota ebadeg ga bowaja ja kowan sha ey oleg nonta bayag da, ja si Dimonyo kari, ono si Satanas, ja mengi‐o‐owap ni emin na tood ja dobong, idi na‐abak shi dangit, in‐ekas sha alid ja dobong, angken pay sota ira anghil to ngo.

Inpa-Amta Nen Jesucristo 13:2

Sotan na inon‐an kon katetakot ja Animal, singa inges to sota kowan sha ey tigri, nem sota sedi to et mango, singa sedi nonta kowan sha ey oso, jet sota bongot to singa bongot ni lion. Jet sota bowaja, in‐aknan to sotan ni panakabalin ton mantoshay jet kowan to pay ey sota piyan nonta Animal la dag‐en, si‐kato.

Inpa-Amta Nen Jesucristo 13:7

Naypalobos pay ja kobaten to ira sota emati son Jesus ingkatod mengebak. Jet naypalobos pay ya si‐katoy mengitoshay so ira nonta emin na kalasin too, ja nan‐i‐inapil i esel sha, ja ẃared ka‐ili‐ili shi intiron dobong.