San Lucas 4:36 - Dibshon Mengi-kan Ni Pansigshan

³⁶ Nasshaaw iren emin sota toon engasas, jet kowan sha ni sakey tan sakey son si‐kara ey, “Epateg ga emin i banag ni toka ikowan! Kabaalan ton pemapteng i nemnem ni eman‐engaw! No ikowan to ey onbetik i dimonyo son si‐kara, ireka onbetik ka agpayso!”

San Lucas 4:36 Iomraidhean Croise

San Mateo 9:33

Idi inpabtik nen Jesus sotan na dimonyo nodtan na too, nan‐esel ma sota istay na‐omel. Sota ira eshakel la toon engasas niyay ya edaga, nasshaw ira ja kowan sha ey, “Angken nonta bayag da ingkato niman, enshiy inges niyay ya edaga shiya ilin Israel.”

San Marcos 1:27

Nasshaaw iren emin sota toon engasas; isonga nanbibinaga ira, ja kowan sha ey, “Ngaran emon jay? Emengipeteg gayam iyay ya toka pan‐itoro! No ikowan to ey onbetik i dimonyon pimeket shi too, shaka pati‐a nga agpayso!”

San Marcos 7:37

Jet nasshaaw wa pasiya sota ira totoo, jet kowan sha ey, “Emin na kedagdag‐a nen Jesus, mapteng. Angken sota ira nanketoleng, toka pantetneng, tan sota nanka‐omel, toka pa‐sel.”

San Lucas 2:18

Jet emin ali ira sota engitneng ni inkowan nonta emanpastol ni kalniro, nasshaaw iren pasiya.

San Lucas 4:32

Emesshaaw sota totood man ni toka pengitosho tep agpayson ẃaray pateg ni toka ikowan.

1 San Pedro 3:22

Idi nan‐ongal si Jesucristo, dimaw da shi dangit jet ẃara niman shi petek ni kanawan nen Apo Shiyos, ja emekitoshay son si‐kato. Intorayan ton emin sota ẃared dangit: sota ira anghil tan sota eshom ma ẃaray saad to ono panakabalin to.