San Lucas 4:35 - Dibshon Mengi-kan Ni Pansigshan

³⁵ Si Jesus, sinelkag to sota dimonyo, ja kowan to ey, “Eka‐eket ka! Ilekjas mo ita too!” Jet sota dimonyo, inbes‐ig to sota too nodta naykawa ira nonta totoo jet indekjas to sota too. Nem pesed da, eg to sinekitan.

San Lucas 4:35 Iomraidhean Croise

San Mateo 17:18

Indaw sha ali nontan met laeng jet si Jesus, inkowan to so nonta dimonyon pimeket so nonta nga‐nga ey, “Betik ked ta nga‐nga!” Jet bimetik nga agpayso sota dimonyo. Jet mimapteng nontan met laeng nga shagos sota nga‐nga.

San Mateo 8:26

Jet si Jesus, kowan to son si‐kara ey, “Ngantoy! Apay entakot kayo? Ara kayon too! Ootik eshan i pamatiyo!” Si Jesus, imetan et inkowan to nonta shagem tan baybay ey onsalsheng ira et timalna men pasiya sota baybay.

San Marcos 1:26

Jet sota dimonyo, inpankenkenteg to sota toon pingketan to, jet kimeljaw sota dimonyo, asan kebetik nodta too.

San Marcos 4:39

Bimangon si Jesus et inkowan to so nonta makedsang nga shagem ey onsalsheng, tan inkowan to so nonta shadoyon ey, “Enog! Salsheng ka!” Jet simalsheng nga agpayso sota shagem jet timalna men kosto sota baybay.

San Marcos 9:26

Kimeljaw sota dimonyo, asan toka pankenkenteg mowan sota nga‐nga, asan kabetik mala. Jet singa etey i inpangidmang nonta totoo so nonta nga‐nga. Isonga kowan ni karakdan son si‐kara ey, “Ayshi — etey da.”

San Lucas 11:22

Nem no ebaken ni sakey ya toon mas matekal ey say sota ẃaray almas to, al‐en nonta mas matekal la emin da sota almas ton toka panshindi et ibingbingay toy kokowa nonta na‐abak.

San Lucas 4:23

Jet kowan nen Jesus ey, “Amtak ey endedamsis jo iya naka dagdag‐a, ja ikowan jo son si‐kak sota arig ga kowan to ey, ‘Doktor, agasim koma nin shorog i bakdang mo.’ Asan ikowan jo pay son si‐kak ey, ‘Dagam nin shiya ilim i kaskasshaaw wa milagro, no agpayso sota shinemag min inpasing mod Kapirnaom.’

San Lucas 4:39

Si Jesus, dimaw, ja to inon‐an nodta katiri to, jet inkowan to nonta sakit ey ma‐kal et na‐kal la agpayso. Jet bimangon na shagos sota bii et inkamakaman to ira.

San Lucas 4:41

Angken sota ira dimonyon pimeket shi totoo, bimetik ira, ja kaonkaneljaw, ja kowan sha ey, “Si‐kam sota Anak nen Apo Shiyos!” Nem si Jesus, sinelkag to ira tep amtara ey si‐kato sota inkari nen Apo Shiyos nonta bayag da ja inbetkag to di.

San Lucas 8:24

Dimaw ira son Jesus, sha binengon jet kowan sha ey, “Apo! Apo! Shanshani kito men metey!” Si Jesus, bimangon et inkowan to so nonta shagem tan makedsang nga shadoyon ni baybay ey onsalsheng et simalsheng nga agpayso, tan timalna ma.

San Lucas 9:39

Waray dimonyon kaonsabi son si‐kato et no onsabi, toka pekelkeljaw, tan toka pankenkenteg, jet eman‐o‐osab i bongot to. Emebedjag asan toka ilekjas; toka pedigata nin na pasiya.

San Lucas 9:42

Idi eman‐ekad sota nga‐nga ja to sebi‐en si Jesus, sota dimonyo, inbes‐ig tod bo‐day, tan inpankenkenteg to. Si Jesus, inkowan to so nonta dimonyo ey, “Betik ked ta nga‐nga!” Jet bimetik nga agpayso. Jet mimapteng sota nga‐nga. Kowan nen Jesus so nonta ama nonta nga‐nga ey, “Iya, i‐ekad mo iya anak mo.”

Inpa-Amta Nen Jesucristo 12:12

Isonga niman ma si‐kayon ẃared ja dangit, pan‐imdeng kayo! Nem si‐kayon ẃared ta dobong, pati si‐kayon ẃared ta baybay, kaasi kayo, ta si Satanas, ẃara ma son si‐kayo jet nansekang nga pasiya ja emanbonget, tep amta to ey entikey may timpo to!”