San Lucas 4:23 - Dibshon Mengi-kan Ni Pansigshan

²³ Jet kowan nen Jesus ey, “Amtak ey endedamsis jo iya naka dagdag‐a, ja ikowan jo son si‐kak sota arig ga kowan to ey, ‘Doktor, agasim koma nin shorog i bakdang mo.’ Asan ikowan jo pay son si‐kak ey, ‘Dagam nin shiya ilim i kaskasshaaw wa milagro, no agpayso sota shinemag min inpasing mod Kapirnaom.’

San Lucas 4:23 Iomraidhean Croise

San Mateo 13:54

Dimaw shima ili to, ja en nantoro shima sa‐nopan ni si‐karen Hodiyos. Jet sota ira too nodtan, ireka messhaaw nonta maypangkep ni toro to ja kowan sha ey, “Towa emoy inamta‐an to so niman na daing to, tan towa emoy engal‐an to niman na panakabalin ton milagro?

San Mateo 4:13

Indekjas toy Nasarit et nan‐iyan shi siyodad ni Kapirnaom ja naykilig shi baybay, ja istay sakop ni Sabolon tan Niptali.

San Mateo 4:23

Si Jesus, pinasiyal ton emin i sakop ni Galilia, jet nantoro pay shima sa‐nopan ira nonta Hodiyos nodta dinadaẃan to. Inpaleẃag tod man sota mapteng nga shamag maypangkep ni pantoshayan nen Apo Shiyos. Jet angken sota ira toon ekalkalasiy sakit sha, inpamapteng to ira.

San Marcos 6:1

Idi naksheng iyay, imakad si Jesus shi ili to, jet inodop to ira sota too to.

San Lucas 2:39

Idi naksheng nga tinongpal shen emin sota kowan ni bilin nen Apo Shiyos ey dag‐en sha, imoli ira shi Galilia, shi baley shed Nasarit.

San Lucas 2:51

Jet si Jesus, ekidaw son si‐kara ja imakad shi Nasarit, ja toka pati‐en emin i kowan sha son si‐kato. Si ineto, emin iyay ya banag, toka nemnemnema shi poso to.

San Lucas 4:16

Dimaw si Jesus shi Nasarit, ja ilin bina‐degan to. Ogadi ton emekisa‐sa‐nop so nonta ira kait ton Hodiyos shima baley ja sa‐nopan sha no akew ja kepanngidin ni Hodiyos. Isonga idi shimanon sota akew ni ngilin, dimayat nodta sa‐nopan ja ibasa toy sakey so nonta inpaisolat nen Apo Shiyos nonta bayag da.

San Lucas 4:31

Dimaw si Jesus shi Kapirnaom ja ili ni Galilia, jet toka itod‐i ira ma totood man nem akew ja kepanngidin ni Hodiyos.

San Lucas 4:35

Si Jesus, sinelkag to sota dimonyo, ja kowan to ey, “Eka‐eket ka! Ilekjas mo ita too!” Jet sota dimonyo, inbes‐ig to sota too nodta naykawa ira nonta totoo jet indekjas to sota too. Nem pesed da, eg to sinekitan.

San Lucas 6:42

Na‐alas ja mo ikowan so ni kait mo ey a‐kalen mo sota naybosi shi mateto, ey si‐kam ket ebadeg i naypadkal shi matam ma shorog. Ngaaw ita moka pesing ja moka idibak i ngaaw wa nemnem mo! Ekal mo nin sota mismon naypadkal shi matam say kosto may pan‐esas mo, et say asen mo men pasiya sota a‐kalen mon naybosi shi mata ni kait mo.

San Juan 4:28

Sota bii, indekjas to sota in‐asol to, jet nay‐olid siyodad, jet to inkowan so nonta ira totood man,

2 I-Korinto 5:16

Isonga say kowan mi, no kowinta ey etey i totoo, eg mi ma ibilang i kasesaad ni angken sipen too shiya dobong. Angken si Cristo, kowan mi nem too bengat nontan da, nem niman aliẃen sotan ma i ẃared nemnem mi pangkep son si‐kato.