San Lucas 4:2 - Dibshon Mengi-kan Ni Pansigshan

² Epat ta polon akew ja pineshas nen Satanas si Jesus nodtan na dogad ja dinaẃan to, ja piyan ton panbesol. Eg eng‐engan nontan na timpo si Jesus, jet idi epospos ma sota epat ta polon akew, na‐agang.

San Lucas 4:2 Iomraidhean Croise

San Mateo 21:18

Idi agsapa, eman‐ekad si Jesus say on‐oli mowan shi siyodad ni Jerusalem et naytompong nga na‐agang nontan.

San Mateo 4:2

Jet nontan si Jesus, eg eng‐engan ni epat ta polon akew, tan epat ta polon dabi, tep epaladoy kepemeshas nen Satanas. Jet idi naksheng iyay, na‐agang si Jesus.

San Lucas 4:3

Jet kowan nen Satanas son si‐kato ey, “No agpayson anak toka nen Apo Shiyos, ikowan mo niya bato ey manbedin ni tinapay.”

San Juan 4:6

Jet nodtan na dogad, si‐katoy kawad‐an nonta ba‐ẃek ja asolan nen Jacob nontan da. Si Jesus, ta enabdey ni inpan‐akad sha ali, en timongaw nodta nay‐esop shi asolan na ba‐ẃek. Say oras nontan, alas dosi ni ka‐akawan.

Hodiyos 2:18

Jet niman ma, mebedinan ton pekedsang ira sota piyan nen Satanas ja manbesol, say eg ira manbesol, ta si‐katon mismo ket nanda‐kam ni digat, ja inges to ngo ira. Angken pay si‐katon mismo, pineshas nen Satanas.

Hodiyos 4:15

Jet sotan na kangeto‐an na pari tayo, amta toy kasesaad tayo, ja ekapoy kito, ta angken si‐kato, ẃaray pinsak ja nanbalinan ton too. Amta ton mengisekit son si‐katejo, tep angken si‐kato, pinedpeshas nen Satanas ja panbesol ja inges toy kepespesing nen Satanas ja memeshas son si‐katejo niman.