San Lucas 4:13 - Dibshon Mengi-kan Ni Pansigshan

¹³ Idi naksheng ja pineshas nen Satanas ja inparas ton emin i kabaalan to, ja piyan ton panbesol si Jesus, indekjas to nin.

San Lucas 4:13 Iomraidhean Croise

San Mateo 4:11

Idi naksheng nga pineshas nen Satanas si Jesus ja istay piyan ton panbesol, indekjas to ma. Jet sota anghil, dimaw ira di son Jesus ja sha in‐aknan ni kompormin kasapolan to.

San Lucas 4:12

Nem si Jesus, simongbat ja kowan to ey, “Enshi, ta say kowan mowan ni naysolat nonta bayag da, kowan to ey eg mi pedpeshasen si Apo Shiyos ja pengasan mi nem i‐agpayso to sota inkowan to.”

San Lucas 4:14

Jet si Jesus, nay‐olid Galilia, ja ẃara ma son si‐katoy panakabalin ni Ispirito Santo nen Apo Shiyos. Sota shamag pangkep son si‐kato, nayẃaris shi emin na ilid man.

San Juan 14:30

Enshi may enshokey ya timpok ja mekitbal son si‐kayo, ta sota engitoshay niyay ya dobong, ja si Satanas, iyay aliy intorong to; nem aliẃen si‐katoy engitoshay son si‐kak.

Hodiyos 4:15

Jet sotan na kangeto‐an na pari tayo, amta toy kasesaad tayo, ja ekapoy kito, ta angken si‐kato, ẃaray pinsak ja nanbalinan ton too. Amta ton mengisekit son si‐katejo, tep angken si‐kato, pinedpeshas nen Satanas ja panbesol ja inges toy kepespesing nen Satanas ja memeshas son si‐katejo niman.

Santiago 4:7

Isonga mesepol la si Apo Shiyos komay pankombaba‐an jo, ja eg kayo onpa‐so. Karejo itolok ja sairo‐en shakejo nen Satanas, say eshawi‐an tokejo.