San Lucas 3:4 - Dibshon Mengi-kan Ni Pansigshan

⁴ Sota inpantoro nen Juan, si‐katoy nantongpalan nonta padto nen Isaias nonta bayag da, ja kowan to ey ẃara aliy toon ikeljaw toy esel to shima dogad ja nay‐araẃi shi kad‐an ni totoo, ja ikowan to ey, “Pansagana kayo ni para imotok ali nen Apo! Singpet joy shalan na pan‐akshan to!

San Lucas 3:4 Iomraidhean Croise

San Mateo 3:3

Saja si Juan, si‐katoy kaytoshongan nonta padto nen Isaias nonta bayag da ja kowan to ey ẃara aliy toon ikeljaw toy esel to shima dogad ja nay‐araẃi shi kad‐an ni totoo, ja ikowan to ey, “Pansagana kayo ta shanshani ma aliy imotok nen Apo! Singpet joy shalan na pan‐akshan to!”

San Marcos 1:3

Si‐kato ali sota toon ikeljaw toy esel to shima dogad ja nay‐araẃi shi kad‐an ni totoo, ja ikowan to ey, ‘Pansagana kayo ta shanshani ma aliy imotok nen Apo! Singpet joy shalan na pan‐akshan to!’ ”

San Juan 1:23

Si Juan, simongbat ja kowan to ey, “Si‐kak i kaytoshongan nonta padto nen Isaias nonta bayag da ja kowan to ey ẃara aliy toon ikeljaw toy esel to shima dogad ja nay‐araẃi shi ili, ja kowan to ey, ‘Pandeteg joy shalan na pan‐akshan nen Apo!’ ”

San Juan 1:7

Sajay ya too, si‐katoy inbetkag nen Apo Shiyos ja en mengikowan so ni totoo maypangkep nonta ondaw alin toon may‐eshig ey emansidew shi embolinget ja ondawag ni nemnem ni totoo, say emin na mengitneng ni kowan nen Juan, memati ira nonta toon ondaw ali.