San Lucas 3:21 - Dibshon Mengi-kan Ni Pansigshan

²¹ Idi sakey ya akew, ja naksheng iren emin sota totoo ja nanpabonjag, nanpabonjag ngos Jesus so nen Juan. Idi naksheng, nanshawat si Jesus son Apo Shiyos, jet idi maramen emansheẃat, edo‐katan i dangit.

San Lucas 3:21 Iomraidhean Croise

San Mateo 14:23

Jet idi naksheng nga inpansisi‐jan to sota totoo ja kowan to ey angken on‐akad ira, timiyed ngo shima shontog ni abos to say en mansheẃat so nen Apo Shiyos. Jet edabi‐an nodtan ja a‐abos to.

San Lucas 5:16

Nem indekjas to sota eshakel la totoo et dimaw shima dogad ja nay‐araẃid kawad‐an ni totoo, ja en nanshawat so nen Apo Shiyos.

San Lucas 9:18

Nonta sakey ya akew, dimaw sota too nen Jesus son si‐kato nonta toka pansheẃat son Apo Shiyos, ni abos to. Jet inbag‐an to ira, ja kowan to ey, “Ngarantoy kaikowan ira ni totoo ni maypangkep son si‐kak? Eg sha aya tabtabalen nem sipa‐ak?”

San Juan 1:51

Kinapodpodno to iya ikowan ko son si‐kam. Asen jo i dangit ja medo‐katan, jet asen jon ẃaray anghil nen Apo Shiyos ja ondespag ali son si‐kak jet on‐oli mowan shi dangit, ta si‐kak sota kowan sha ey Anak ni Too.”