San Lucas 3:19 - Dibshon Mengi-kan Ni Pansigshan

¹⁹ Nem say inkowan to son Hirodis ja gobinarol shi Galilia, kowan to ey, “Ngaaw i inpiliw mo so nen Hirodiyas ja aseẃa nen agim. Tan ẃara pay i eshakel la ngaaw ja aramid mo.”

San Lucas 3:19 Iomraidhean Croise

San Mateo 11:2

Jet nontan, si Juan ja para bonjag, ja naybalod, shinemag to sota maypangkep ni dingdingka nen Cristo, jet say inpasing to, engibetkag ni totoo to son Jesus ja en mengibeka son si‐kato,

San Mateo 14:1

Nontan na timpo, si Ari Hirodis ja engitoshay ni Galilia, shinemag to sota maypangkep ni dingdingka nen Jesus.

San Mateo 14:6

Nem idi nonta birthday nen Hirodis, eshakel i bisita to ja ineẃis to, jet nontan, sota anak nen Hirodiyas ja marikit, nansada shi sango‐an shen emin et si Hirodis, eman‐imdeng nontan na dingka nonta marikit.

San Lucas 3:1

Idi kinsin tawen ja nantoray si Ari Tibirio shi Roma, ẃaray inkowan nen Apo Shiyos ja bilin to so nen Juan ja anak nen Sakarias. Wara nontan si Juan shima dogad ja nay‐araẃid kadnan ni too. Jet ẃinasẃas ton emin i dogad shima kilig nonta ebadeg ga pa‐dok ja kowan sha ey Jordan, ja to intod‐an iray totoo. Jet say kowan to, “Mesepol la manbebawi kayo, asan kayoka manpabonjag, say pekawanan nen Apo Shiyos i basol jo.” Nontan ngon timpo, si Poncio Pilato i gobinarol shi Jodia, si Hirodis ngod Galilia, tan si Felipe ja agi nen Hirodis shi Itoria tan shi Trakoniti. Asan si Lisanias i toray shi Abilini. Say kangeto‐an nontan ja pari, si Anas nen Kaipas.

San Lucas 3:18

Sajay i inpasing nen Juan ni inpamidin to, tan na‐na‐jew pay i inpasing ton engikowan ni mapteng nga shamag so ira ni totoo.