San Lucas 3:13 - Dibshon Mengi-kan Ni Pansigshan

¹³ Simongbat mowan si Juan ja kowan to ey, “Niman, say singilen jon bowis ira ni totoo, sota koskoston kowan ni gobirno; karejo sodokan.”

San Lucas 3:13 Iomraidhean Croise

San Mateo 7:12

“Sota piyan jon pesing ni kait jon too son si‐kayo, si‐kato ngoy pesing jo nonta eshom. Ta si‐katoy ẃared ma naysolat ta bilin nen Apo Shiyos, tan si‐katoy kowan ira nonta para padto nonta bayag da.

San Lucas 19:8

Nem say kowan nen Sakio son Jesus, kowan to ey, “Apo, ninemnem koy pesing ko niman! I‐akan koy kagashowa ni kokowak shi nankebiteg, tan no sipa ira sota inda‐karan ko ni singil ni bowis, bayshan ko ira ni memin‐epat.”

San Lucas 3:12

Angken sota ira para singil ni bowis, dimaw ira ngon manpabonjag, jet inbag‐an sha ngo si Juan ja kowan sha ey, “Maistoro, ngaranto ngoy pesing mi?”

San Lucas 3:14

Jet sota ira solsharo, kowan sha ngo ey, “Si‐kami ngay? Ngaranto ngoy pesing mi?” Si Juan, simongbat ja kowan to ey, “Sota sowilshoyo, si‐katoy enosan jo. Ibi‐jag joy joka pesing nga mengeda ni pilak ni too ja joka ira ta‐ta‐kota tan joka pebesoli ira angken enshiy basol sha.”

I-Ipiso 4:28

No ẃaray makibot ja naykait son si‐kayo, ibi‐jag to komen mengibot. Man‐obda et koma ni kosto say makatolong so nonta ira makasapol ni tolong.

Hodiyos 12:1

Sajay iren eshakel la too nen Apo Shiyos nonta bayag da, inpa‐sas sha nontan da i pamatira son si‐kato, jet singa ẃara pay laeng ira niman ja si‐karay onoran tayo. Singa may‐eshig kito shi toon mekilongba maypangkep ni pamati tayo son Apo Shiyos, isonga no ẃaray kompormin banag ja kaondingding son si‐katejo, ono ẃaray basol ja singa emengipked son si‐katejo, mesepol la maybi‐jag, say nam‐ay i panbebtik tayo. Mesepol la man‐enos kiton menongpal nonta inkowan nen Apo Shiyos ey dag‐en tayo.