San Lucas 3:1 - Dibshon Mengi-kan Ni Pansigshan

^1-3 Idi kinsin tawen ja nantoray si Ari Tibirio shi Roma, ẃaray inkowan nen Apo Shiyos ja bilin to so nen Juan ja anak nen Sakarias. Wara nontan si Juan shima dogad ja nay‐araẃid kadnan ni too. Jet ẃinasẃas ton emin i dogad shima kilig nonta ebadeg ga pa‐dok ja kowan sha ey Jordan, ja to intod‐an iray totoo. Jet say kowan to, “Mesepol la manbebawi kayo, asan kayoka manpabonjag, say pekawanan nen Apo Shiyos i basol jo.” Nontan ngon timpo, si Poncio Pilato i gobinarol shi Jodia, si Hirodis ngod Galilia, tan si Felipe ja agi nen Hirodis shi Itoria tan shi Trakoniti. Asan si Lisanias i toray shi Abilini. Say kangeto‐an nontan ja pari, si Anas nen Kaipas.

San Lucas 3:1 Iomraidhean Croise

San Mateo 14:1

Nontan na timpo, si Ari Hirodis ja engitoshay ni Galilia, shinemag to sota maypangkep ni dingdingka nen Jesus.

San Mateo 14:3

Sajay i kowan nen Hirodis ta si‐katoy inpabono so nen Juan. Inpa‐shel to nontan et inpaibalod to ta inkowan nen Juan so nen Hirodis ey, “Parit shi bilin nen Apo Shiyos i pengesawam so nen Hirodiyas ja aseẃa nen Felipe ja agim!” Isonga inpa‐shel nen Hirodis si Juan ta pipiyan tos Hirodiyas.

San Mateo 14:6

Nem idi nonta birthday nen Hirodis, eshakel i bisita to ja ineẃis to, jet nontan, sota anak nen Hirodiyas ja marikit, nansada shi sango‐an shen emin et si Hirodis, eman‐imdeng nontan na dingka nonta marikit.

San Mateo 22:17

Isonga iyay i ibaga mi son si‐kam. Maypeshit aya shi dinteg tayon Hodiyos i panbedjad ni bowis so ni gobirnod Roma, ono enshi?”

San Mateo 27:2

Jet say inpasing sha, binedod sha et inpaidaw sha so nen Pilato ja gobinarol.

San Marcos 6:17

Sajay i pan‐inemnem nen Hirodis tep mismon si‐katoy inpabono so nen Juan. Inpa‐shel to nontan et inpaibalod to, ta idi inesawa nen Hirodis si Hirodiyas ja aseẃa nen Felipe ja agi to, inkowan nen Juan so nen Ari Hirodis ey, “Parit shi bilin nen Apo Shiyos i pengesawam so nen Hirodiyas.” Isonga inpa‐shel nen Hirodis si Juan, ta pipiyan to si Hirodiyas.

San Marcos 6:21

Nem idi sakey ya akew, ẃaray pinekan nen Ari Hirodis ja eshakel la totoo ni inpanbirthday to. (Sotan ira ineẃis nen Hirodis nontan, sota ira nankengaton toray ni gobirno, sota ira apo ni solsharo to, tan sota ira eshom ma pangolo ni probinsiya ni Galilia.) Jet nontan, inshingan nen Hirodiyas ja engipabono son Juan.

San Lucas 13:31

Nontan met laeng nga oras, ẃara iray Parisiyo ja dimaw son Jesus jet sha inkowan ey, “Betik ka niman shiyay, daw ked eshom ma dogad. Ta si Ari Hirodis, piyan ton bono‐en toka.”

San Lucas 2:1

Nonta timpon inkay‐anak nen Juan, naytompong ngon ẃaray inbilin nen Ari Agusto ey mesepol la emin na tood dobong, manpedista ira.

San Lucas 23:24

si Pilato, inkowan to ey metongpal sota kowan sha.

San Lucas 3:19

Nem say inkowan to son Hirodis ja gobinarol shi Galilia, kowan to ey, “Ngaaw i inpiliw mo so nen Hirodiyas ja aseẃa nen agim. Tan ẃara pay i eshakel la ngaaw ja aramid mo.”

San Lucas 9:7

Si Hirodis ja engitoshay ni Galilia, idi shinemag to sota maypangkep ni emin na dingdingka nen Jesus, eg to tetongolan nem sipay koston katoo nen Jesus. Ta say kowan ni eshom, si‐katos Juan ja para bonjag ja nanbiyag mowan.

Inpaspasing 23:26

“Si‐kak si Claudio Lisias ja makasolat niyay, jet sajay ya solat, ondaw so nen si‐kam, Gobinarol Felix, ja emayshedshedjaw wa gobinarol. Sapay koma ta mapteng i kasesaad mo niman.

Inpaspasing 24:27

Idi edabas may showen tawen, si Porsio Pisto i naysa‐dat so nen Gobinarol Felix. Si Felix, piyan ton sesmeken ni Hodiyos; isonga binaybay‐an to si Pablo shi badoran.

Inpaspasing 26:30

Jet nontan ma, si Agripa, si Pisto, si Bernice, tan sota ira kait shen timanongaw nodtan, dimayat ira.

Inpaspasing 4:27

jet say kina‐agpayso to, si Ari Hirodis, tan si Poncio Pilato, tan sota ira toon eg emati ja aliẃen Hodiyos, tan angken sota ira tood Israel, nantotodag ira ja maykontra son Jesus ja Anak mon shinotokan mo.