San Lucas 24:51 - Dibshon Mengi-kan Ni Pansigshan

⁵¹ Jet idi maramen toka panbindisiyoni ira, indekjas to iren kimayang mala shi dangit.

San Lucas 24:51 Iomraidhean Croise

San Marcos 16:19

Jet si Apo Jesus, idi naksheng nga inkowan to iyay son si‐kara, inda ma nen Apo Shiyos shi naykayang et en timongaw shi apit ni kanawan nen Apo Shiyos.

San Lucas 24:50

Inbalnay to ira ingkatod ma dogad ja nay‐esop shi Bitania. Jet inkayang toy takday to ja binindisiyonan to ira.

San Lucas 24:52

Jet nantalimokod ira sota apostol ja nanshayaw son si‐kato, asan ireka oli maled Jerusalem ma epaladoy imdeng sha.

San Juan 20:17

Nem si Jesus kowan to ey, “Karamak egni‐an, ta ekak pay laeng dimaw ja nay‐oli so nen Amak shi dangit. Daw ka, mo ikowan so nonta ira a‐akik ey ondawak ma ja on‐oli so nen Amak ja Shiyos ko, ja si‐katoy Shiyos jo tan Amejo ngo.”

Inpaspasing 1:9

Idi enaksheng nga inkowan to iyay, kimayang ja indekjas to ira et dimaw shi dangit, jet binoja nonta ira apostol to i toka pankedjang ingkatod eg ma mayshedmang, ta dinikopan ni kolpot.

Hodiyos 1:3

Si‐katoy engipa‐sas ni koskoston ogadi nen Apo Shiyos, ja enshiy maka‐inges ni kinamapteng to; si‐kato bengat i maka‐inges sa koskosto so nen Apo Shiyos, jet na‐olnos iya dobong tep si‐katoy timengel so. Sota esel to bengat i mebedin na mengolnos ni emin kabol ni panakabalin to. Idi naksheng nga etey ja inkaro toy basol ni totoo, dimaw ma shi dangit, jet timongaw shi petek ni kanawan nen Apo Shiyos ja Kangeto‐an.

Hodiyos 4:14

Jet niman ma, nemnemen tayo koma sota pamatin ineẃat tayo say eki‐det ni olay, ta ẃaray mengi‐kan ni kedsang tayo, ja may‐eshig ey kangeto‐an na pari ni pamati tayo. Si‐kato si Jesus ja Anak nen Apo Shiyos, ja kimayang da shi dangit.