San Lucas 24:5 - Dibshon Mengi-kan Ni Pansigshan

⁵ Sota ira bibii, injokmos shay dopara shi bo‐day ta etakot iren pasiya. Nem kowan nonta showen anghil son si‐kara ey, “Apay nga joka pan‐enaped ja kad‐an ni etey i toon mabiday?

San Lucas 24:5 Iomraidhean Croise

San Lucas 1:29

Eg amta nen Maria i pesing to nonta intenengan to sota inkowan ni anghil, tan toka en‐enapa nem ngarantoy olog nonta inkowan nonta anghil.

San Lucas 24:4

Jet idi ireka manmodimodi bengat nodtan, ebiglen nanpa‐sas i showen anghil ja singa too i itsora sha nem emeneniliy baro sha.

San Lucas 24:6

Enshi led jay, nan‐ongal da! Nemnem jo kari: inkowan to met nonta ẃara kayo pay laeng shi Galilia; kowan to nontan ey,

Inpaspasing 2:24

Nem si Apo Shiyos, eg to intolok ja on‐onong si Jesus ja metey; isonga inpanbiyag to, ta say patey, enshiy panakabalin ton mengipked son Jesus.

Hodiyos 7:8

Jet say sakey pay, sota papashi ni Hodiyos ja ẃara niman, ja emengeẃat nonta ikasampolo ja emay‐ekan, ireka metey; nem si Milkisidik ja engi‐kanan nen Abraham ni ikasampolo nonta inebak to shi kobatan, kowan nonta naysolat nonta bayag da ey ẃared biyag ni olay ingkatod ingka.

Inpa-Amta Nen Jesucristo 1:18

Si‐kak sota ẃaray biyag to! Agpayson eteyak, nem nan‐ongalak et ekak ma metmetey ingkatod ingka. Si‐kak i engegshi nonta tolbek ja mengilokat nonta daẃan ira nonta nanketey. Tan si‐kak pay sota ẃaray kabedinan ton mengeda ni biyag ni too, nem mebedin na panbiyag ko ali mowan shi patey.

Inpa-Amta Nen Jesucristo 2:8

“Isodat mo ngo iyay so nonta pangolo ni emati shi Simirna: ‘Iyay i esel la kowan nen Apo ja sigod ja ẃara ngoreshan ingkatod ingka, ja etey, nem nan‐ongal mowan.