Biblia Todo Logo
Bìoball air-loidhne

- Sanasan -




San Lucas 24:47 - Dibshon Mengi-kan Ni Pansigshan

47-48 Tan say inpadtora pay, kowan sha ey maytosho shi emin na ka‐ili‐ilin sakop niya dobong ey mesepol la manbebawi komay totoo ni basol sha say pekawanan ira nen Apo Shiyos. Inpadtora pay ey say mengitosho, si‐kayon mengi‐edagey son si‐kak, jet ishogi jo konod Jerusalem. Si‐kayoy ondaga so niyay tep mismon inon‐an jo iya epasemak son si‐kak niman na timpo.

Faic an caibideil Dèan lethbhreac




San Lucas 24:47
52 Iomraidhean Croise  

Isonga ikowan ko son si‐kayo ey daw kayo shi emin na ili shiya dobong, jet itoshoyo i maypangkep son si‐kak say memati ira. Bonjagi jo ira shi ngaran nen Apo Shiyos ja Amak, shi ngaran ko ja Anak to, tan shi ngaran ni Ispirito Santo.


Say kowan to so nonta ira totoo ja dimaw nodtan, kowan to ey, “Baliẃiyo i ngaaw wa ẃared nemnem jo, ta sota pantoshayan nen Apo Shiyos ja naypadto nonta bayag da, shanshani ma.”


Jet si Jesus, idi ninemnem toy kakedsel ni tood Jerusalem, dinekna toy toka pengisekit son si‐kara, jet kowan to ey, “Si‐kayon tood Jerusalem! Manshoki nonta bayag da ingkato niman, joka bono‐a ni olay ja kespigan ni bato iray inbetkag nen Apo Shiyos son si‐kayo, pati sota ira para padto. Ara, piga mangoy pesing ko son si‐kayo! Eminshakel la piyan kon i‐okong takejon i‐Jerusalem ja inges to sota kepengi‐okong ni manok ira ni kipkip to. Nem en‐asneng kayo!


Jet angken sota emin na para padto nen Apo Shiyos nonta bayag da, insigod shen inkowan ey emin na toon memati son si‐kato, mepekawanan i basol sha. Ta si Jesus i inpiyalan nen Apo Shiyos ja memekawan ni basol.”


Jet idi intenengan sha iyay, imeket ira ma sota totoon istay bimalaw so ni inpasing nen Pedro, jet say inpasing sha ma, nan‐iyaman ira son Apo Shiyos, ja kowan sha ey, “No kasta, si Apo Shiyos, kinaasi‐an toy toon aliẃen Hodiyos et intolok ton manbebawi ira, say may‐aknan ngo ira ni biyag ja enshiy to engintegan.”


Nem si Pablo nen Bernabe, mas timoled ira ja man‐a‐sel, jet kowan sha ey, “Mesepol la si‐kayon Hodiyos nin i kaykowanan ni esel nen Apo Shiyos, nem niman ta binedaw jo, ja endedamsis jo sota biyag ja enshiy to engintegan ja eg jo koston eẃaten, ondaw kami ma shi toon aliẃen Hodiyos jet si‐kara may pengitosho‐an mi.


Si Pedro, simongbat ja kowan to ey, “Panbebawi kayo et emin kayo, panpabonjag kayo ja si Jesucristo i toshongen jon pati‐en ni olay, say mepekawanan i basol jo. Jet eẃaten jo sota Ispirito Santo nen Apo Shiyos ja i‐akan to.


Inkowan ko so ni Hodiyos, tan toon aliẃen Hodiyos, ey manbebawi ira ni basol sha et si Apo Shiyos i toshongen sha, tan inkowan ko son si‐kara ey pati‐en sha si Jesucristo, ja Apo tayo.


Ibetkag taka so ni aliẃen Hodiyos say maynemneman ira ja amta‐en sha ey ẃara ired embolinget jet say ontorong ira shi dawag, say maysi‐jan ira nodta toray nen Satanas jet si Apo Shiyos may toshongen sha. Jet no memati ira son si‐kak, mepekawanan may basol sha, tan mayda‐kam ira ja mekiteẃid so nonta ira toon pinidi nen Apo Shiyos ja too to.’ Sajay i inkowan nen Apo Jesus son si‐kak.


Say pilmiron nantoro‐an ko, shi Damasko, asan shi Jerusalem, asan ma shima intiron sakop ni Jodia, tan angken shima nay‐araẃin dogad ni aliẃen Hodiyos. Intorok son si‐kara ey manbebawi ira ni basol sha, ja si Apo Shiyos i kemangen sha ja panshedjawan, say ibi‐jag shay aramid shen ngaaw jet mandeka ma ira ni mapteng.


Isonga niman, mesepol la amta‐an jo ey sajay ya esel nen Apo Shiyos pangkep ni kaysedakan, emaytosho ngo so ni toon aliẃen Hodiyos, jet si‐kara et ngo mowan i ememati.” Kowan nen Pablo.


Isonga panbebawi kayo ni ngaaw wa aramid jo, jet si Apo Shiyos i toshongen jo say omasen toy basol jo,


Enshiy eshom ma tood ja dobong nga inbetkag ali nen Apo Shiyos ja mengisedakan, nem eg si Jesus bengat.” Kowan nen Pedro.


Si Apo Shiyos, inpanbiyag tos Jesus, jet niman, inpansaad to; isonga ẃara shi apit ni kanawan nen Apo Shiyos, ja si‐katoy Pangolo tan Mengisedakan. Jet in‐aknan toy tood Israel ni ẃaya sha ja manbebawi, say omasen nen Apo Shiyos i basol sha.


Nonta nay‐awat sota bilin nonta bayag da son Moises, singa inparakel to et i basol ni too tep inamta‐an sha sota bilin nen Apo Shiyos, nem eg sha inbi‐jag sota shaka dagdag‐a ja ngaaw. Nem angken na emanba‐deg nontan i basol tan emankaiweshis, mas ebadbadeg ngo eshan i kaasi nen Apo Shiyos.


ja man‐iyaman kito son si‐kato nonta ebadeg ga kaasi to ja asdeg ton in‐akan to son si‐katejo, ta ẃara kitejo so nen Jesucristo ja epateg ga Anak to.


Si‐kak i kabeba‐an so ira nonta too nen Apo Shiyos, nem si Apo Shiyos, kinaasi‐an towak et si‐kak i mengikowan so nonta ira toon aliẃen Hodiyos nonta epateg ga bindisiyon nen Cristo ja enshiy to kay‐ingsan.


Jet sota plano ton inpa‐amta to niman, enshiy eshom nem eg sajay: si Cristo, ẃaren mismo son si‐kayo. Eg to nin inpa‐amta iyay ya plano to nonta bayag da, ta say piyan ton pa‐amta‐an so, sota memati son si‐kato niman, jet sajay ya plano ton epateg, enshiy to kay‐ingesan. Jet si‐kayon aliẃen Hodiyos, nayda‐kam kayo ma. Isonga niman ẃara may namnama jo ja mayda‐kam son Apo Shiyos shi dangit.


Mebedin na mansodatak son si‐kayon naka ikarin annak ko, tep epakaẃanan i basol jo ni inpamatiyo ni ngaran nen Jesus.


Lean sinn:

Sanasan


Sanasan