San Lucas 24:30 - Dibshon Mengi-kan Ni Pansigshan

³⁰ Ekisengo si Jesus son si‐kara shi damisaan, jet nontan, say inpasing to, inda to sota tinapay et nan‐iyaman son Apo Shiyos et pinet‐ing to, asan toka i‐ẃat son si‐kara.

San Lucas 24:30 Iomraidhean Croise

San Mateo 14:19

Jet nontan, inkowan to so nonta ira totoo ey ontongaw ira, tep mapteng i edet nodtan. Inda to sota tinapay tan sota showen piskaw, intangkak tod naykayang jet nan‐iyaman son Apo Shiyos. Idi naksheng nga nan‐iyaman, shinowashowa to asan toka i‐kan so nodta too to, ja si‐karay mengiweshis so nonta ira eshakel la totoo.

San Mateo 15:36

Inda nen Jesus sota piton boknol la tinapay tan sota piskaw jet nan‐iyaman so nen Apo Shiyos asan toka showashowa‐a. In‐akan to so nonta ira too to ja si‐karay mengiweshis so nonta ira totoo, jet tinongpal sha.

San Mateo 26:26

Nontan na maramen ireka ma emengan, inda nen Jesus sota tinapay et nan‐iyaman son Apo Shiyos, asan toka showashowa‐a. Jet in‐akan to nodta ira apostol to, ja kowan to ey, “Iya, kan jo iyay. Sajay i bakdang ko.”

San Marcos 14:22

Jet nontan na maramen ireka ma emengan, inda nen Jesus sota tinapay et idi naksheng nga nan‐iyaman son Apo Shiyos, shinowashowa to, jet in‐akan to nodta ira apostol to, ja kowan to ey, “Iya, alejo iyay. Sajay i bakdang ko.”

San Marcos 6:41

Jet si Jesus, inda to sota tinapay tan sota showen piskaw, intangkak tod naykayang jet nan‐iyaman son Apo Shiyos. Idi naksheng nga nan‐iyaman, shinowashowa to sota tinapay asan toka i‐kan so nonta ira too to, ja si‐karay mengiweshis so nonta ira eshakel la totoo. Jet inpaiweshis to mowan sota showen piskaw so ira nonta totoo.

San Marcos 8:6

Jet si Jesus, inkowan to so nonta ira totoo ey ontongaw ira nodta bo‐day. Inda to sota piton boknol la tinapay et nan‐iyaman so nen Apo Shiyos asan toka showashowa‐a. In‐akan to so nonta ira too to say si‐karay mengiweshis so nonta ira totoo, jet tinongpal sha.

San Lucas 22:19

Inda to sota tinapay et nan‐iyaman son Apo Shiyos, asan toka showashowa‐a. Jet in‐akan to nodta ira apostol to, ja kowan to ey, “Sajay i bakdang kon itolok kon bono‐en sha; si‐katoy kaysedakan jon took. Si‐kayo, itodtodoy jon mandilikob ja menowashowa ni tinapay, ja si‐katoy penginemneman jo son si‐kak.”

San Lucas 24:29

Nem inpeked sha ja kowan sha ey, “Ka‐okip ked jay, ta mama‐shem malen emankedabi ma.” Jet inonod toy kowan sha.

San Lucas 24:35

Jet insodsod ngo nonta showa i emin na epasemak nonta inkay‐olop nen Jesus son si‐kara shi shalan, tan kowan sha ey, “Jet inimatonan min pasiya nonta pinet‐ing to sota tinapay!”

San Lucas 9:16

Jet si Jesus, inda to sota tinapay tan sota showen piskaw, intangkak tod naykayang jet nan‐iyaman son Apo Shiyos. Idi naksheng nga nan‐iyaman, shinowashowa to asan toka i‐kan so nonta ira too to, ja si‐karay mengiweshis so nonta ira eshakel la totoo.

San Juan 6:11

Jet nontan ma, si Jesus inda to sota tinapay tan sota piskaw wa balon nonta balodaki jet nan‐iyaman son Apo Shiyos, asan toka paiweshis sota mekan na shimakel so nonta ira totoo ja timanongaw. Jet sota ira totoo, engan ira ingkatod enapsel iren kosto.

Inpaspasing 2:42

Jet sajay ira, intoloy sha ja tinod‐an ira nonta apostol. Nontan ma, ireka mesa‐sa‐nop ni olay ja manshedjaw tan mansheẃat son Apo Jesus, jet ireka pay mandilikob ja mengan.

Inpaspasing 2:46

Inakew ja ireka ondaw shi Timplo, jet shima balebaley sha, ireka mandilikob, jet ebadeg i imdeng sha ni shaka pengan, ta saksakey i nemnem sha son Jesucristo.

Inpaspasing 27:35

Idi enaksheng nga inkowan to iyay, engala nonta tinapay jet nan‐iyaman son Apo Shiyos say asen sha, jet pinetpet‐ing to, jet si‐katoy engirokin engan.