San Lucas 24:19 - Dibshon Mengi-kan Ni Pansigshan

¹⁹ Jet inbag‐an ira nen Jesus ja kowan sha ey, “Ngarantoy epasemak?” Simongbat ira ey, “Waray toon inbetkag ali nen Apo Shiyos: si Jesus i ngaran to ja i‐Nasarit. Emin na totoo, kowan sha ey enshiy maka‐inges son si‐kato ni toka itoro tan toka dagdag‐a. Angken si Apo Shiyos, inges to emo ngoy kowan to pangkep son si‐kato.

San Lucas 24:19 Iomraidhean Croise

San Mateo 21:11

Jet sota ira totoo ja nay‐olop son si‐kato, kowan sha ey, “Sajay sota para padto nen Apo Shiyos ja si Jesus i ngaran to. Too did Nasarit ja sakop ni Galilia!”

San Marcos 1:24

ja kowan to ey, “Ngantoy! Dimaw ka di ja en meneshal son si‐kami? Enshiy kaybiyangan mo son si‐kami, Jesus ja i‐Nasarit! Amtak nem sipa ka: si‐kam sota shinotokan nen Apo Shiyos ja inbetkag to di!”

San Lucas 24:18

Jet sota sakey, ja nanngaran ni Kliopas, kowan to ey, “Wara ka gayam shi Jerusalem niman ey eg mo amtay epasemak da nonta sajay den edabas sa akew?”

San Lucas 7:16

Emin ira sota engasas, nasshaaw ira, tan inshayaw shes Apo Shiyos ja kowan sha ey, “Niman ẃara may engaton para padto ja naydaok son si‐katejo!” Tan kowan sha pay ey, “Si Apo Shiyos, dimaw alin mengisedakan ni too to!”

San Juan 3:2

Sajay ya too, dimaw son Jesus ni edabi, jet kowan to ey, “Maistoro, si‐kam, amta mi ey inbetkag token Apo Shiyos ja menosho son si‐kami, ta angken sipa, enshiy ondaga so nonta dingkam ma kaskasshaaw, no enshis Apo Shiyos son si‐kato.”

San Juan 4:19

Jet sota bii, kowan to ey, “Apo, naka eẃati ma ey si‐kam, para padto ka gayam nen Apo Shiyos.

San Juan 6:14

Sota ira totoo, idi inon‐an sha iyay ya dingka nen Jesus, ja inpara‐kel to sota mekan, nasshaaw ira, jet kowan sha ey, “Kinapodpodno to ey sajay sota para padto ja inpadtora nonta bayag da ey ondaw alid ja dobong.”

San Juan 7:52

Nem sinongbatan sha et si Nikodimo ja kowan sha ey, “Apay nga moka pan‐ibaliẃi? Sakey ka gayam ma kaidiyan ton i‐Galilia? Basam kari sota inpaisolat nen Apo Shiyos nonta bayag da: amta‐en mo ey enshiy para padton mandepod Galilia.” Sajay i inkowan sha son Nikodimo.

Inpaspasing 10:38

Jet amtayo met ey si Apo Shiyos, shinotokan tos Jesus ja i‐Nasarit ja si‐katoy pan‐iyanan ni Ispirito Santo to, tan in‐aknan to ni panakabalin to. Jet si Jesus, nan‐aka‐akad say en mandeka ni panmaptengan ni totoo, jet inpamapteng ton emin sota emanpansekit ja kepedigata nen Satanas, ta si Apo Shiyos, ẃara ni olay son si‐kato.

Inpaspasing 2:22

“Si‐kayon kait kon Hodiyos, itnengi jo iya ikowan ko son si‐kayo! Si Jesus ja i‐Nasarit, inpandaga nen Apo Shiyos ni kaskasshaaw wa milagro, ja inon‐an jon mismo, jet si‐katoy pengamta‐an jo ey si‐katoy inbetkag nen Apo Shiyos. Amtayon emin iyay.

Inpaspasing 7:22

Inpan‐iskoida to si Moises; isonga amta ton emin i ashal shi Egypt. Edaing nga man‐a‐sel, tan sota obda to, ẃara ni olay i toka panbenagi.