San Lucas 23:9 - Dibshon Mengi-kan Ni Pansigshan

⁹ Jet eshakel i salodsod nen Hirodis son si‐kato, nem eg sinongsongbatan nen Jesus.

San Lucas 23:9 Iomraidhean Croise

San Mateo 27:12

Nem idi ẃaray inkowan ira nonta apo ni papashi, tan sota ira pangolo ni Hodiyos ja kowan sha ey basol to, eg simongsongbat.

San Mateo 27:14

Nem si Jesus, angken sakey so nonta kowan sha ey basol to, eg to sinongsongbatan. Jet sota gobinarol, emesshaaw wa pasiya.

San Mateo 7:6

“Nem mesepol la asen jo nin i pengipiyalan jo so ni inbilin nen Apo Shiyos, ta aliẃen anam ni toon singa asoy ogadi to. No ipiyal jo son si‐kara sota inbilin nen Apo Shiyos, sekitan shakejo et bengat. Kasta met no ẃaray ensekig ga too ja singa keshel i itsora to, angken eg jo ngo ipiyal sota ebanol la maypangkep ni pantoshayan nen Apo Shiyos. Ta no sajay i pesing jo, singa joka pan‐i‐akan shi keshel sota ebanol la para alkos ni baro ni too. Jet sajay ya ebanol, kenshat ta damsisen mango ira nonta keshel iyay et pan‐ikatin sha bengat.

San Marcos 15:5

Nem nasshaaw si Pilato, tep enshi pay i insongbat nen Jesus.

San Lucas 13:32

Nem simongbat si Jesus ja kowan to ey, “Jo ikowan so nita sinan arin masikap ey ekak idekjas nin iyay ya dogad to. Niman tan kabasan, naka panpebtik iray dimonyo shi totoo, tan naka panpemapteng sota totoon emanpansekit. No bowas to, meksheng may obdak shiyay.

San Lucas 23:10

Jet sota apo ira ni papashi tan sota mamaistoro ni dinteg ni Hodiyos, kimedsang iren shaka panpebesolis Jesus.

San Juan 19:9

Isonga insekep to mowan nodta naydaem da jet inbag‐an to si Jesus ja kowan to ey, “Apay toway edapo‐an mo aya?” Nem si Jesus, eg to sinongbatan.

Inpaspasing 8:32

Say toka panbasa‐a nontan, sajay: “Si‐kato, may‐eshig ey inges to sota kalniro ja shinonshon shen padti‐en sha ja eg onpokeng; inges to pay sota kalniron toka i‐onod i bakdang ton pokisan sha ja eg onkenga. Apay simongbat? Enshi, angken pinsak.

1 San Pedro 2:23

Angken pay nonta ngaaw i shaka ikokowan son si‐kato, enshiy ngaaw wa to insongbat. Idi indansara shi koros, eg to inta‐kot i keshosara di son Apo Shiyos. No diket kowan to ey maka‐amta ngos Apo Shiyos son si‐kato ta si Apo Shiyos, kostoy toka pengigsheng, jet amta to ey enshiy basol ton toka pan‐ikaro.