San Lucas 23:26 - Dibshon Mengi-kan Ni Pansigshan

²⁶ Indara si Jesus et idi ireka man‐ekad ja ondaw nodta kaydansa‐an tod koros, inaspol sha sota toon si Simon i ngaran to, ja i‐Sirini. Istay ondaw koma shi siyodad, nem inpasakbat sha et son si‐kato sota koros, ja in‐onod to son Jesus ni shaka pan‐ekad.

San Lucas 23:26 Iomraidhean Croise

San Mateo 5:41

Tan no bilang ey ẃaray memidit son si‐kam ja kowan to ey mo itolod shi showen kilomitro, angken pay ya onsolok i pengitodoran mo son si‐kato, ja epat ta kilomitro.

San Lucas 14:27

Jet sota toon eg to enosan i kaybebaing to ono kebitay to maypangkep son si‐kak, eg mebedin na manbedin ni took.

San Lucas 23:25

Inbolos tos Barabas ja naybalod maypangkep ni dinodokon dingka ton maykontra shi gobirno tan sota inpamono to. Tan in‐awat tos Jesus so nonta totoo say dag‐en shay pipiyan shen dag‐en son si‐kato.

San Lucas 9:23

Jet say kowan to son si‐karen emin, “No sipay makapiyan ja on‐onod son si‐kak ja took ni olay, mesepol la si‐kak bengat i nemnemnemen to, ja ibiyang ton emin i kompormi. Tan mesepol la enosan to pay ya angken maybebaing ono mebono ja inges to sota toon emasan ni koros ja kaydansa‐an to met laeng. Tan mesepol pay ya si‐kak i pansilbi‐an to ni olay.

Inpaspasing 13:1

Shima Antiok ja kawad‐an ira nonta emati, ẃara son si‐kara sota emengipa‐amta ni panpa‐amta nen Apo Shiyos son si‐kara, tan sota eshom ma para toro, jet sajay iray ngaran sha: si Bernabe, si Simeon ja Tolingan i sakey ya ngaran to, si Lucio ja i‐Sirini, si Manaen ja tagibi ni ama nen Hirodis ja gobinarol shi Galilia, tan ẃara son si‐kara si Saulo.

Inpaspasing 2:10

Prigia, Pampilia, Egypt, tan sakop ni Libya ja naysakop ngo shi Sirini. Wara pay i eshom son si‐katejo ja bisita alid Roma, ja Hodiyos i eshom, tan sota ira eshom, aliẃen Hodiyos ja etod‐an ja manshedjaw son Apo Shiyos.

Inpaspasing 6:6

Jet sota esa‐nop pa emati, inparang sha ira ja piton pinidira so nonta apostol. Jet sota ira apostol, nanshawat ira son Apo Shiyos, asan shaka isakpal i takday sha son si‐kara, jet sotan i ka‐amta‐an to ey nay‐awat sotan na obdara.

Inpaspasing 6:9

Nem nontan, ẃara iray emekisongbati son si‐kato ja Hodiyos ja i‐Sirini i eshom, tan i‐Alejandria. Saja ira ekisongbat so nen Esteban, Hodiyos ira ja emekisa‐nop nodta sa‐nopan ni totoon istay baga‐en. Wara pay iray Hodiyos ja i‐Silisia tan i‐Asiya, ja nay‐eshom ira ngon emekisongbat son Esteban.