San Lucas 23:2 - Dibshon Mengi-kan Ni Pansigshan

² jet insodsod sha son Pilato sota kowan sha ey basol nen Jesus, ja kowan sha ey, “Sinokalan mi iyay ya too, ja toka pan‐eẃisen emin i too mi ey angken eg ira manbedjad ni bowis so ni gobirnoyod Roma, tan kowan to pay ey si‐kato sota arin inbetkag ali nen Apo Shiyos ja mengisedakan kono son si‐kamin Hodiyos.”

San Lucas 23:2 Iomraidhean Croise

San Mateo 17:27

Isonga si‐kak, mebedin na dibshi‐ak ni alos ni Timplo nen Apo Shiyos ja Amak. Nem say kowan ko, say eg mesekitan i nemnem ira nonta totoo, daw ka shima baybay et mo ipekat sota bengẃit mo. Jet sota pilmiron nigay ya mekna, si‐katoy al‐en mo. Panga‐ẃab mo et ẃaray on‐an mon pilak nodta bongot to. Si‐katoy al‐en mo ja mo i‐akan ja alos ten showa.”

San Mateo 22:21

Simongbat ira ja kowan sha son si‐kato ey, “Sota ari shi Roma.” Jet kowan ma nen Jesus son si‐kara ey, “No kasta, sota pilak ja joka osala, edapod gobirno ni Roma, isonga mesepol met laeng nga pa‐odiyo son si‐kara. Sota kowan ni gobirno ey may‐ekan son si‐kara, mesepol la maytongpal, jet sota kowan ngo nen Apo Shiyos ey may‐ekan son si‐kato, mesepol ngon mepati.”

San Mateo 27:11

Jet nonta ẃares Jesus shima sango‐an nen Gobinarol Pilato, sota gobinarol, inbag‐an tos Jesus ja kowan to ey, “Jet agpayso ja si‐kam sota ari ni Hodiyos?” Simongbat si Jesus ja kowan to ey, “Sota inkowan mo, si‐kato.”

San Marcos 12:17

Jet kowan ma nen Jesus son si‐kara ey, “No kasta, sota pilak ja joka osala, edapod gobirno ni Roma, isonga mesepol met laeng nga pa‐odiyo son si‐kara. Sota kowan ni gobirno ey may‐ekan son si‐kara, mesepol la maytongpal, jet sota kowan ngo nen Apo Shiyos ey may‐ekan son si‐kato, mesepol ngon mepati.” Jet ireka messhaaw wa pasiya nonta insongbat nen Jesus.

San Marcos 15:2

Jet si Pilato, inbag‐an tos Jesus, ja kowan to ey, “Jet agpayso ja si‐kam sota ari ni Hodiyos?” Simongbat si Jesus ja kowan to ey, “Sota inkowan mo, si‐kato.”

San Lucas 23:14

jet kowan to son si‐kara ey, “Saja toon in‐ilaw jo did jay, ja kowan jo ey pan‐eẃisay totoon eg memati ni bilin min i‐Roma, binistigal ko shi sango‐an jo et enshi met i emesokalin kowan jo ey ngaaw wa aramid to.

San Lucas 23:5

Nem ema‐ma et ja shaka pan‐ipilit, ja kowan sha ey, “Si‐katoy emengi‐kan ni kolo, manipod shi Galilia tan intiron Jodia ingkato did jay!”

San Juan 18:29

Isonga si Pilato ja gobinarol, bimo‐day ali jet kowan to so ira nonta Hodiyos ey, “Ngantoy kowan jo ey basol niyay ya too?”

San Juan 18:30

Jet sota ira Hodiyos, simongbat ira ja kowan sha ey, “No enshi komay ebadeg ga basol to, istay eg mi di koma indaw son si‐kam.”

San Juan 19:12

Idi intenengan nen Pilato iyay ya inkowan nen Jesus son si‐kato, piyan ton pasiya ja ibolos, nem sota ira toray ni Hodiyos, ema‐ma et i keljaw sha ja kowan sha ey, “No ibolos mo itan na too, aliẃen kajem toka ma nonta ari jod Roma, ta sota toon kowan to shorog ey si‐kato ket ari, si‐katoy makakontra so nonta ari shi Roma.”

Inpaspasing 24:13

Sajay iren totoo, dingdingkara bengat iya inparang sha son si‐kam ja kowan sha ey basol ko; enshiy pengibetayan sha.

Inpaspasing 24:5

Sajay ya too, sinokalan mi ey makedsel; emengi‐kan ni kolo shi emin na kad‐an ni Hodiyos. Tan sakey pay, si‐katoy pangolo nonta badon sinan pamati ja intoro kono nonta sakey den toon i‐Nasarit.

I-Roma 13:7

Sota anam ni toray ja ipaay jo, si‐katoy dag‐en jo. No ngarantoy pansingila nonta para singil ni bowis, si‐katoy i‐akan jo. Jet sota anam ton mayshedjaw, si‐katoy ishayaw jo.