San Lucas 23:13 - Dibshon Mengi-kan Ni Pansigshan

¹³ Idi mimotok ira shi kad‐an nen Pilato, sina‐nop to iray apo ni papashi, tan sota eshom iren toray ni ili, tan sota karakdan na totoo,

San Lucas 23:13 Iomraidhean Croise

San Marcos 15:14

Kowan mowan nen Pilato son si‐kara ey, “Ngantoy? Ngaran ni dingka ton ngaaw aya?” Nem ema‐ma et i keljaw sha ja kowan sha ey, “Paidansam shi koros!”

San Lucas 23:35

Sota ira totoo, imalekey iren shaka panboja‐a si Jesus ja naykoros. Jet sota ira toray ni Hodiyos, shaka sengsengkita, ja kowan sha ey, “Insalakan to konoy eshom; tiga nem isalakan to ngoy bakdang to shorog! Kabedinan to no podnon si‐kato sota shinotokan nen Apo Shiyos ja inbetkag to din mengisedakan!”

San Lucas 24:20

Nem sota ira apo ni papashi tayo, tan sota ira eshom ma toray ni ili, in‐awat sha so nonta ira toon i‐Roma say mebono koma et binonora ja indansara shi koros.

San Juan 12:42

Nem eshakel met laeng iray toray ja emati son Jesus, nem sajay iren emati, eg sha ipa‐sas ey emati ira, ta entakot sha iray Parisiyo ey a‐kalen sha ira shima sa‐nopan ni Hodiyos, ja eg ma ira mebedin na mekisa‐sa‐nop.

San Juan 18:38

Jet si Pilato, kowan to ey, “Jet ngarantoy piyan mon a‐selen ni engikowanan mo ni podno?” Idi naksheng nga inkowan nen Pilato iyay, bimo‐day mowan ali jet kowan to so nonta ira pangolo ni Hodiyos ey, “Enshi met i naka sokali ja basol niyay ya too ja to kebono‐an.

San Juan 19:4

Jet si Pilato, bimo‐day ali mowan jet kowan to so nonta ira Hodiyos ey, “Enshi met i nak dinoktalan na to nanbasolan, ja si‐katoy kabol la to keshosa‐an; ekak itoloy ya bistigalen. Isonga niman, pebo‐day ko di say asen jo, say mepnek kayo ni epalikatan to la.”

San Juan 3:1

Waray Parisiyo ja manngeshan ni Nikodimo, ja sakey ya pangolo ni Hodiyos.

San Juan 7:26

Iyay met gayam shiyay ya emantosho shi karakdan ni too, jet apay nga eg sha met a‐degken? Sigosho ireka emo memati ma ey si‐kato sota naypadton mengisedakan ali ja ibetkag nen Apo Shiyos.

San Juan 7:48

Emin na pangolo jo, tan angken si‐kamin Parisiyo, angken sakey son si‐kami, enshiy en imonod son si‐kato.

Inpaspasing 13:27

Say piyan kon a‐seden, sajay: sota ira nanbaley shi Jerusalem, tan sota ira toray sha, eg sha inimatonan ey si Jesus sota mismon mengisedakan, tan eg sha ineẃatan sota naysolat ja kowan ni para padto nonta bayag da, ja shaka ibasbasa ni olay no akew wa ngilin tayon Hodiyos. Eg sha ineẃatan sota inkowan ni para padto ey mebono sota mengisedakan ali, nem si‐kara et i timongpal so, nonta binonora si Jesus.

Inpaspasing 3:17

“Jet niman, si‐kayon a‐akik, amtak ey si‐kayo, tan sota ira toray jo, eg jo amtay kina‐Shiyos nen Jesus nonta inpabonoyo.

Inpaspasing 4:5

Nonta eẃa‐ẃa, sota ira toray ni Hodiyos, tan sota eshom ma pangolo sha, pati sota ira mamaistoro ni dinteg ni Hodiyos, ẃara iren esa‐nop shi Jerusalem.

Inpaspasing 4:8

Jet si Pedro, ja inshalan ni Ispirito Santo, simongbat ja kowan to ey, “Si‐kayon toray tan pangolo ni Israel,