San Lucas 22:53 - Dibshon Mengi-kan Ni Pansigshan

⁵³ Inakew met ja ẃara‐ak shima Timplo, ket apay nga eg jowak inshel nontan? Nem niman na kalebi‐an met kitdi i timpoyo, tep si‐katoy pan‐obda nen Satanas!”

San Lucas 22:53 Iomraidhean Croise

San Mateo 21:23

Idi mimotok ma si Jesus shi Jerusalem, nantoro shima Timplo, jet sota ira apo ni papashi tan sota ira eshom ma pangolo ni Hodiyos, dimaw ira di son si‐kato jet kowan sha son si‐kato ey, “Sipay engikowan ey dag‐en mo ira ta moka dagdag‐a shiya Jerusalem? Sipay engibetkag son si‐kam?”

San Lucas 22:52

Kowan ma nen Jesus so nonta ira apo ni papashi tan kowadja ni Timplo, tan sota eshom iren pangolo ni Hodiyos ja en mengshel son si‐kato ey, “Apay nga nan‐etak kayo di tan ẃaray peg‐as jo? Apay tolisan i kowan jo ey a‐shelen jod jay?

San Lucas 22:54

Singkel shes Jesus et indaw sha led baley ni kangeto‐an na pari. Jet si Pedro, tinned to ira nem bimetaw.

San Juan 12:27

“Niman, simabi ja naka emankaikelkel‐eẃi, jet nganto emoy ishawat ko son Amak? Ikowan ko ngata son Amak ey idisi towak niya digat ja emansessesked son si‐kak? Nem enshi, ta sajay i kabol la dinaẃan ko did jay. Isonga enosan koy digat.”

San Juan 13:30

Jet idi enaksheng nga ineẃat nen Judas Iskariote sota tinapay son Jesus, bimo‐day nodta baley ya kad‐an sha. Jet nontan na inbo‐day to, edabi.

San Juan 14:30

Enshi may enshokey ya timpok ja mekitbal son si‐kayo, ta sota engitoshay niyay ya dobong, ja si Satanas, iyay aliy intorong to; nem aliẃen si‐katoy engitoshay son si‐kak.

San Juan 7:30

Idi enaksheng nga inkowan to iyay son si‐kara, piyan sha ma ja a‐shelen si Jesus, nem enshiy angken sakey ya engitodoy, ta aneng nin sota timpon naykesheng nga pandikat to.

San Juan 7:45

Sota kowadja ja istay en mengshel son Jesus, nay‐oli ira so nonta engibetkag son si‐kara ja Parisiyo, tan apo ni papashi, jet kowan ira niyay so nonta ira kowadja ey, “Apay nga eg jo di inshel?”

Inpaspasing 26:18

Ibetkag taka so ni aliẃen Hodiyos say maynemneman ira ja amta‐en sha ey ẃara ired embolinget jet say ontorong ira shi dawag, say maysi‐jan ira nodta toray nen Satanas jet si Apo Shiyos may toshongen sha. Jet no memati ira son si‐kak, mepekawanan may basol sha, tan mayda‐kam ira ja mekiteẃid so nonta ira toon pinidi nen Apo Shiyos ja too to.’ Sajay i inkowan nen Apo Jesus son si‐kak.

I-Ipiso 6:12

Tep aliẃen kait tayon too i kabakal tayo, no diket si Satanas, tan sota ira kait to ja ispiriton ngaaw ja toka ibetbetkag. Jet angken pay sota ira kait to ja singa enanngel ono emengitoshay niya dobong niman, si‐karay makakontra son si‐katejon emati.

I-Kolosas 1:13

tep istay ya intorayan shakito nen Satanas, nem niman, si Apo Shiyos, si‐katoy engi‐kan son si‐katejo ja itorayan nen Jesucristo ja Anak to. Si Cristo, si‐katoy ensemek nen Ameto,