San Lucas 22:2 - Dibshon Mengi-kan Ni Pansigshan

² Sota apo ira ni papashi ni Hodiyos tan mamaistoro ni dinteg ni Hodiyos, piyan shen pasiya ja bono‐en si Jesus, nem entakot ira nonta totoon eshakel ja na‐awis son si‐kato. Isonga ireka mengenap nontan ni pesing shen memono son si‐kato.

San Lucas 22:2 Iomraidhean Croise

San Mateo 12:14

Nem sota ira Parisiyo, bimo‐day ira jet nantatabal ira no ngarantoy pesing shen memono son Jesus.

San Mateo 21:38

Nem idi inon‐an ira nonta engajowan sota mismon anak nonta makabo‐day, nantatabal ira ja kowan sha ey, ‘Sajay sota anak nonta makakokowa niya gardin na tayoka pan‐obda‐i. Bono‐en tayo et say saja bo‐day ya tawid to, kokowa‐en tayo ma.’

San Mateo 26:2

“Amtayo, no ondabas i showen akew, medeka sota piyasta tayon Hodiyos ja kowan tayo ey Paskowa, jet si‐kak ja kowan ni para padto ey Anak ni Too, may‐eẃatak so ni toray say maydansa shi koros.”

San Marcos 14:1

Showen akew pay et onsabi sota piyasta ni Hodiyos ja kowan sha ey Paskowa, tan sota piyasten pengan sha ni tinapay ja enshiy daok ton para debag. Jet nontan, nantatabtabal ira sota apo ni papashi ni Hodiyos tan mamaistoro ni dinteg no ngantoy pesing shen memono son Jesus, jet ninemnem sha ey olboren sha kono say ma‐shel et mebono.

San Lucas 20:19

Edawag ey sota mamaistoro ni dinteg ni Hodiyos tan sota ira apo ni papashi, si‐karay naytorongan nonta arig ga kowan nen Jesus. Isonga kowan sha ey seskelen sha si Jesus nontan na oras, nem entakot sha ira sota totoo.

San Juan 11:57

Nontan, sota ira apo ni papashi, tan sota ira Parisiyo, inkowan sha so nonta ira totoo ey no sipa son si‐kara i maka‐amta ni kawad‐an nen Jesus, ikowan sha son si‐kara say sha a‐shelen.

Inpaspasing 4:27

jet say kina‐agpayso to, si Ari Hirodis, tan si Poncio Pilato, tan sota ira toon eg emati ja aliẃen Hodiyos, tan angken sota ira tood Israel, nantotodag ira ja maykontra son Jesus ja Anak mon shinotokan mo.