San Lucas 22:18 - Dibshon Mengi-kan Ni Pansigshan

¹⁸ Ikowan ko iyay son si‐kayo. Sajay i ka‐onoran na penginom ko ni shanom ni obas, jet ekak nin menginom ingkatod metongpal aliy pantoshayan nen Apo Shiyos.”

San Lucas 22:18 Iomraidhean Croise

San Mateo 16:18

Jet niman, iyay i ikowan ko son si‐kam Pedro. Say olog ni ngaran mo, bato, jet sotan na bato, si‐katoy na‐det ja kaypilmi‐an ira nonta eshakel la totoon memati son si‐kak met laeng. Isonga angken ngantoy katekal ni patey, eg mebedin na ipeked to ni olay sota memati son si‐kak.

San Mateo 26:29

Iyay i ikowan ko son si‐kayo. Sajay i ka‐onoran na penginom ko ni shanom niya obas, jet ekak nin menginom ingkatod onsabi sota penginom ko nonta badon shanom ni obas shima pantoshayan nen Apo Shiyos ja Amak; jet meki‐inom kayo ngo.”

San Marcos 14:23

Jet idi naksheng, inda to sota tasa et idi nan‐iyaman son Apo Shiyos, in‐akan to mowan son si‐kara, jet nan‐inom iren emin.

San Marcos 14:25

Agpayso iya ikowan ko son si‐kayo. Sajay i ka‐onoran na penginom ko ni shanom niya obas, jet ekak nin menginom ingkatod onsabi sota penginom ko nonta badon shanom ni obas shima pantoshayan nen Apo Shiyos.”

San Marcos 15:23

Idi mimotok ired man, in‐aknan shes Jesus ni adak ja edaokan ni agas ja eg to so dekna‐an ni ensakit. Nem eg to ineẃat.

San Marcos 9:1

Jet kowan pay nen Jesus ey, “Agpayson ẃaray eshom son si‐kayod jay ja eg metey ingkatod asen sha sota pantoshayan nen Apo Shiyos, jet ebadeg ga pasiya aliy panakabalin nen Apo Shiyos no timpo alin ketongpalan to.”

San Lucas 21:31

Say olog niyay, no asen jon meshoki‐an na emanketongpal ira ja inkowan ko la, amtayo ma ey shanshani may pantoshayan nen Apo Shiyos.

San Lucas 22:16

Ikowan ko iyay son si‐kayo. Sajay i ka‐onoran na Paskowa ja pekipenganan ko. Enshi ma nin ingkatod metongpal i podnon olog ni Paskowa shi pantoshayan nen Apo Shiyos.”

San Lucas 9:27

Jet agpayson ẃaray eshom son si‐kayod jay ja eg metey ingkatod asen sha sota pantoshayan nen Apo Shiyos.” Kowan nen Jesus.

I-Kolosas 1:13

tep istay ya intorayan shakito nen Satanas, nem niman, si Apo Shiyos, si‐katoy engi‐kan son si‐katejo ja itorayan nen Jesucristo ja Anak to. Si Cristo, si‐katoy ensemek nen Ameto,