San Lucas 22:12 - Dibshon Mengi-kan Ni Pansigshan

¹² Jet ipa‐sas to son si‐kayo i embanaw wa kowadto nodta naykayang, ja ẃara nodtan na emin i mesepol tayo. Si‐katoy pengisekana‐an jo ni kenen tayo nem ma‐shem.” Kowan nen Jesus.

San Lucas 22:12 Iomraidhean Croise

San Lucas 22:11

jet ikowan jo iyay so nonta makabaley: ‘Kowan ali nen Maistoro ey towa konoy kowadton penganan to tan si‐kamin too to niman na ma‐shem, tep Paskowa?’

San Lucas 22:13

Dimaw ira sota shadẃa shi Jerusalem et siya, kosto noman na nay‐agpayso sota kowan nen Jesus son si‐kara. Jet insaganared man sota kenen sha nontan na ma‐shem.

San Juan 2:25

ta amta ton emin i itsora ni too, jet eg mesepol la ẃaray mengikowan son si‐kato ni maypangkep ni too, ta amta to i ẃared nemnem sha.

San Juan 21:17

Jet nonta maykepintedo, kowan nen Jesus mowan so nen Pedro ey, “Simon, ja anak nen Juan, ẃaray semek mo son si‐kak?” Si Pedro, nandaringit ma, ta emintedo ja inbaga nen Jesus iyay son si‐kato, jet si Pedro, simongbat ja kowan to ey, “Apo, amtam ma emin, angken nganto. Amtam ey ensemek taka.” Jet si Jesus, kowan to ma son Pedro ey, “Ajowanim sota ira emati son si‐kak ta si‐kara, may‐eshig ey singa kalnirok.

Inpaspasing 1:13

Idi mimotok ira shi Jerusalem, dimaw ira nodta naykayang nga kowadto ni baley ya shaka pan‐iyani. Jet iyay i ngarangaran ira nonta apostol nen Jesus: si Pedro, Juan, Santiago, Andres, Felipe, Tomas, Bartolomeo, Mateo, sota sakey ya si Santiago ja anak nen Alpio, si Simon ja bitirano, tan si Judas ja anak ni apil mowan na Santiago.

Inpaspasing 20:8

Say esa‐nopan mi, nodta naykayang nga kowadto ni baley, jet eshakel nodtan i silew.