San Lucas 21:8 - Dibshon Mengi-kan Ni Pansigshan

⁸ Simongbat si Jesus ja kowan to son si‐kara ey, “Nemnemnemen jo koma iyay. Karekayo pa‐olbod so ni angken sipa, ta eshakel aliy toon mengosal ni ngaran ko, ja kowan sha ey si‐kara si Cristo, ono kowan sha ey shanshaniy pantepos ni dobong. Nem karejo patpati‐en.

San Lucas 21:8 Iomraidhean Croise

San Mateo 24:11

Wara pay iray ondaw ali ja kowan sha ey para padto ira nen Apo Shiyos, nem o‐owap kariy toro sha, jet eshakel noman i on‐onod son si‐kara ja may‐owapan.

San Mateo 3:2

Say kowan to so nonta ira totoo ja dimaw nodtan, kowan to ey, “Baliẃiyo i ngaaw wa ẃared nemnem jo, ta sota pantoshayan nen Apo Shiyos ja naypadto nonta bayag da, shanshani ma.”

San Mateo 4:17

Jet manshoki ma nontan na timpo, nantoro ma si Jesus, ja kowan to ey, “Baliẃiyo i ngaaw wa ẃared nemnem jo, ta sota naypadton pantoshayan nen Apo Shiyos, shanshani may timpo to.”

San Lucas 17:23

Wara iray toon mengikowan son si‐kayo ey, ‘Wares Cristo! Jo on‐id man!’ Ono ikowan sha ey, ‘Iyed jay!’ Nem karejo patpati‐en.

San Lucas 21:7

Jet inbaga sha ey, “Apo, pigan ali ita kowan mo? Jet nganto pay i amta‐an mi so no shanshanin mepesamak itan?”

San Lucas 21:9

No ẃaray kobat tan kolo ja shemagen jo, karekayo onkel‐ew. Tep kenshat ta mepesamak ira jay, nem aliẃen sotan i ka‐amta‐an to ey shanshani may pantepos ni dobong.” Kowan nen Jesus.

San Juan 5:43

Si‐kak, dimawak alid jay ya in‐aknan nen Amak ni kanebengan ko, nem eg jowak ineẃat. Nem amtak ka no ẃara et ngo mowan i ondaw ali son si‐kayo, ja ka‐ẃay ton enshiy en engibetkag son si‐kato, si‐kato et ngo mowan i eẃaten jo.

San Juan 8:24

Isonga binanshaanan takejo nonta pilmiro ja kowan ko ey metey kayo ey eg epakaẃanan i basol jo. Ampet memati kayo ey si‐kak sota naypadton mengisedakan ja ibetkag ali nen Apo Shiyos, asan mapakaẃani i basol jo.”

San Juan 8:28

Isonga si Jesus, ẃara pay i inkowan to son si‐kara, ja kowan to ey, “No onsabi sota timpo ja ikayang jo sota Anak ni Too ja idansa, amta‐an jo ma ey si‐kak sota naypadton mengisedakan ja ibetkag ali nen Apo Shiyos. Tan amta‐an jo pay ey emin na maramen naka pan‐ikowan niman ket aliẃen na edapod nemnem ko, no diket sotan i inkowan nen Amak son si‐kak.

1 I-Korinto 6:9

Amtayo met ey sota toon ngaaw i aramid to, eg mayda‐kam shi pantoshayan nen Apo Shiyos. Isonga aliẃen sota ngaaw wa aramid i jo dag‐en, ta naytopoy nemnem jo no kowan jo ey baybay‐an nen Apo Shiyos sotan na basol. Ta sota mabii, sota maleki, sota emay‐a‐shom so nonta ira ensekig i shaka dagdag‐a shima timplo ni pagano, tan sota daleki ja kait ton daki met laeng i shaka eshola, eg ira mayda‐kam shi pantoshayan nen Apo Shiyos. Kasta met sota makibot, sota magamkam ni kompormi, maboteng, masomang, mengolbod ni kokowa ni eshom, eg ira ngo mayda‐kam.

I-Ipiso 5:6

Karejo patpati‐en sota kowan ira nonta eshom ey palobos sa dag‐en ira jay ya edogit ta aramid, ta sota ensekig ga aramid i kabol la shosa‐an so nen Apo Shiyos so nonta ira eg memati.

2 I-Tisalonika 2:3

Angken ngarantoy ikowan sha, karejo kari patpati‐en. Ta aneng nin kari sota timpon imotok nen Jesucristo ali. Mesepol la mepangdo nin kari ja metongpal iya inkowan ko la ey okesen ni karakdan na totoo si Apo Shiyos, tan onbo‐day pay nin kari sota toon tima‐nil ja ngaaw i aramid to. (Nem say pantongpalan niyay ya too, mepilshin kenshat.)

2 Timoteo 3:13

jey sota toon ngaaw i aramid sha, tan o‐owap i toro sha, mas mema‐ma ja onngaaw i dagdag‐en sha. Mengi‐o‐owap ira pay ni eshom, nem eg sha amta ey si‐kara met laeng i nay‐owapan.

1 San Juan 4:1

Si‐kayon kait kod pamati ja ensemek ko, karejo iba‐ngat ja pati‐en i kompormin too ja ikowan to ey sota Ispirito Santo nen Apo Shiyos i kedepo‐i ni toka itoro. No diket ashal jo nin no agpayson edapo son Apo Shiyos, tep eshakel iray ma‐o‐owap ja kowan sha ey si Apo Shiyos i engibetkag son si‐karen mengitosho. Jet si‐karay nayẃaris shi emin na dogad.

2 San Juan 1:7

Tanshaani jo, tep baka et ey may‐owapan kayo. Ta eshakel ired ja dobong i eg memati ey si Jesucristo, dimaw alin nanbalin ja too. Sajay ira sota ma‐o‐owap ja makakontra son Cristo.

Inpa-Amta Nen Jesucristo 1:3

Jet sota toon mengibasa so niyay ya padto, bindisiyonan ira nen Apo Shiyos, tan angken ngo pay sota mengitneng, no pati‐en sha. Ta say timpon ketongpal niyay, shanshani ma.

Inpa-Amta Nen Jesucristo 12:9

Jet sota ebadeg ga bowaja ja kowan sha ey oleg nonta bayag da, ja si Dimonyo kari, ono si Satanas, ja mengi‐o‐owap ni emin na tood ja dobong, idi na‐abak shi dangit, in‐ekas sha alid ja dobong, angken pay sota ira anghil to ngo.