San Lucas 21:25 - Dibshon Mengi-kan Ni Pansigshan

²⁵ “Waray katetakot ja mepesamak nima sekit, nima bolan, tan sama talaw ira. Shiya dobong, emin na tood ka‐ili‐ili, onkel‐ew ira; messhaaw iren pasiya tep makedsang i bongog ni baybay, tan kakembaleg i shadoyon to.

San Lucas 21:25 Iomraidhean Croise

San Mateo 24:29

“Jet sotan alin timpo ja kekshengan nonta digat, ma‐shep shagos sota niyal ni sekit tan bolan, jet sama talaw, mepedaspas ira, jet sama naykayang, mebediwan i itsora to.

San Mateo 27:45

Idi nonta alas dosi ni ka‐akawan, nanbolinget nodtan na dogad ingkato nonta alas tris ni mama‐shem.

San Marcos 13:24

“Jet no onsabi sotan na timpo ja kekshengan nonta digat, ma‐shep shagos sota niyal ni sekit tan bolan,

San Marcos 13:26

No meksheng iyay, mismon asen sha‐ak ni totood dobong ja ma‐odopanak ali ni kolpot, tan asen sha pay i itsora ni bakdang kon emenenili, tan asen sha ngo sota ebadeg ga panakabalin ko.

San Marcos 15:33

Idi nonta alas dosi ni ka‐akawan, nanbolinget nodtan na dogad ingkato nonta alas tris ni mama‐shem.

San Lucas 21:24

Say eshom son si‐kara, bono‐en ni kabakal sha ni kampilan, tan sota ira ebay‐an, al‐en sha iren maybedod shi emin na ka‐ili‐ili. Jet sota toon aliẃen Hodiyos, si‐karay onkatin so ni Jerusalem, ingkatod kepospos ni timpon inkesheng nen Apo Shiyos ja penosara so ni Israel.

San Lucas 21:26

Onkapoy iray totoo ni takot sha ni shaka pansessesked no ngarantoy mepesamak shiya dobong, tep angken sota naykayang, mebediwan i itsora to.

Inpaspasing 2:19

Waray ipa‐sas ko so ni totoo ja medeka shi naykayang nga kaskashaaw, tan angken shiya dobong, ẃaray ipa‐sas ko son si‐kara ja panakabalin ko: ẃaray maybokbok ka shala tan ẃaray apoy ya eposkol i dowet to.

Inpa-Amta Nen Jesucristo 20:11

Jet ẃaray inon‐an kon ebadeg ga empotin tongawan et ẃaray timongaw nodtan. Jet say dobong, tan sama ẃared naykayang, na‐omas ira tep singa eg sha itoled i kawasha nonta timongaw nodta empotin tongawan. Sota dobong, tan sama naykayang, kolpin na‐enshi mala.