San Lucas 21:23 - Dibshon Mengi-kan Ni Pansigshan

²³ Sajay alin mepesamak, kakaasi ira din pasiya sota bibiin malokon, tan sota bibiin ẃaray anak shen emenoso, tep digat ta pasiya i onmotok alid jay ya dogad! Si‐kato aliy epaladon keshosa ni Hodiyos, ja totoo shiyay ya dogad.

San Lucas 21:23 Iomraidhean Croise

San Mateo 21:16

Jet kowan sha so nen Jesus ey, “Apay nga eg mo selkagen ira ma a‐anak? Apay eg mo aya itenengan ima kowan sha?” Sinongbatan ira nen Jesus ja kowan to ey, “Owen, intenengan ko. Nem apay eg jo aya binasa sota esel nen Apo Shiyos ja naysolat nonta bayag da? Kowan to met ey, ‘Sota ira a‐anak tan sota ira koyat, si‐kara et ngo mowan i podno i shaka panshedjaw!’ ”

San Mateo 21:41

Jet kowan sha ni songbat sha son si‐kato ey, “Simpri angja‐en to ngo iren bono‐en sotan na makedsel. Jet ipiyal to sota bo‐day so ni eshom ma mengajowan say ẃaray bingayen to no timpo ni apit.”

San Mateo 21:44

Jet angken sipen too ja maysokbab nodtan na bato, mekosot; tan no sipay tedteshan to, memisit.”

San Mateo 24:19

Sajay alin mepesamak, kakaasi ira din pasiya sota bibiin malokon, tan sota bibiin ẃaray anak shen emenoso.

San Marcos 13:17

No timpon kepesamak niyay, kakaasi ira din pasiya sota bibiin malokon, tan sota bibiin ẃaray anak shen emenoso.

San Lucas 19:27

Jet niman, shosa‐en ko ngo sota totoon simopngil son si‐kak ja kowan sha ey eg sha koston si‐kak i ari sha. Alejo did jay ira et bono jo ira! Asen koy kebonora.’ ”

San Lucas 19:43

Wara aliy timpon pandikat jo. Sota ira kabakal jo, diktoben shakejo ni mebedjag jet enshiy delsotan jo.

San Lucas 23:29

Ta iyay aliy timpon pandikat ni totoo. Sotan alin timpo ja onsabi, ikowan ni totoo ey magesat iray bibiin enshiy annak sha, ja enshiy sha inpanoso.

1 I-Korinto 7:26

Say kowan ko, no niman na timpon digat, mapmapteng no sota ẃaray aseẃa to, eg to koma nemnemen ja isi‐jan sota aseẃa to; kasta met sota enshiy aseẃa to, eg to koma nemnemen sota peki‐esawa to.

1 I-Tisalonika 2:16

ta shakamika dingdinga ja mengikowan nonta esel nen Apo Shiyos so ira nonta toon aliẃen Hodiyos, say maysedakan ngo ira koma. Sajay i nay‐eshom pay nodta basol sha ja shaka ma‐ma‐ma‐a et anongosto ma ey shanshanin shosa‐en ira nen Apo Shiyos.

Hodiyos 13:16

Tan say sakey pay ya daton ja piyan nen Apo Shiyos, sota pandeka ni mapteng so ni sakey tan sakey, tan sota penodong ni eshom. Karejo diẃayan ja dag‐en iyay, karejo ikotan i ẃara son si‐kayo ja mebedin na itolong jo shi eshom.

Santiago 5:1

Niman, iyay i ikowan ko son si‐kayon ẃaray mebedin to. Sigoradon ẃara aliy digat ja da‐kaman jo; isonga niman, nangis kayo, ngagngag kayo ni daringit jo.

1 San Pedro 4:17

Sota tayoka panda‐kam ni digat niman, si‐katoy pengamta‐an ey inshogi ma nen Apo Shiyos i toka penepdat, jet sota too to ja may‐eshig ey pamilja to i pinangdo to. No saja too to ket sinepdat to, sigoradon ebadbadeg pay i peda‐kam ton sepdat nodta toon eg emati nonta maypangkep son Cristo ja piyan ton pa‐amta so ni totoo.