San Lucas 21:16 - Dibshon Mengi-kan Ni Pansigshan

¹⁶ Sota ira a‐akiyo, partido jo, kajem jo, tan angken pay sota ira maka‐anak son si‐kayo, si‐kara met laeng i mengibaag son si‐kayo so nonta ira makakontra son si‐kayo say seskelen shakejo, jet sota eshom son si‐kayo, bono‐en sha.

San Lucas 21:16 Iomraidhean Croise

San Mateo 10:21

“Jet sajay alin timpo, angken san‐agin daki, ibaag nonta sakey i agi to shi eshom, ey eg et meshanagan ey angken bono‐en sha. Inges niyay met laeng i pesing ni a‐ama shi annak sha. Jet angken sota ira a‐anak, kontra‐en shay maka‐anak son si‐kara et pebonora pay ira.

San Marcos 13:12

“Jet sajay alin timpo, angken san‐agin daki, ibaag nonta sakey i agi to shi eshom, ey eg et meshanagan ey bono‐en sha. Inges niyay met laeng i pesing ni a‐ama shi annak sha. Jet angken sota ira a‐anak, kontra‐en shay maka‐anak son si‐kara et pebonora pay ira.

San Lucas 12:53

Angken sota a‐ama, kabakal sha aliy annak sha. Kasta met iray i‐ina tan annak shen bibii, manbekal ira. Angken sota bibiin san‐inepo, manbekal ngo ira.”

San Lucas 21:15

tep si‐kak met laeng i mengi‐kan son si‐kayo ni koston isongbat jo tan daing jon man‐a‐sel. Isonga sota makakontra son si‐kayo, enshi son si‐kara i makabaal ja mengebak son si‐kayo; mesampolo et ira.

San Lucas 21:17

Sota joka pemati son si‐kak, si‐katoy kabol la okesan shakejo so ni karakdan na too.

Inpaspasing 12:2

Si Santiago ja agi nen Juan, inpa‐okdo nen Hirodis ni kampilan.

Inpaspasing 7:59

Nonta marama ja shaka pankespigi ni bato si Esteban, nanshawat, ja kowan to ey, “Apo Jesus, awat mo ngo iya biyag ko.”

Inpa-Amta Nen Jesucristo 12:11

Inebak nonta a‐aki tayod pamati si Satanas et say kabol la inebakan sha so, sota shala nonta Kalniro ja imayos nonta inkatey to, tan sota esel nen Apo Shiyos ja inkowan sha. Sajay i edaga ta eg sha tinepi i biyag sha ja angken metey ira.

Inpa-Amta Nen Jesucristo 2:13

“Si‐kak, amtak i kawad‐an jo. Naydaok kayo shima dogad ja intorayan nen Satanas, nem kini‐det jo sota pamatiyo son si‐kak. Eg jo inbi‐jag, angken nonta timpon inbono sha so nen Antipas da, ja na‐anos den nansilbi son si‐kak. Binonora shima ili jo ja baley nen Satanas.

Inpa-Amta Nen Jesucristo 6:9

Jet idi inokas nonta Kalniro sota maykedimen naybedbed, inon‐an ko nodta naydoong ni altar sota dinaẃa ira nonta ebono pangkep ni ka‐anos shen engipedawag nonta esel nen Apo Shiyos nontan da.