San Lucas 20:41 - Dibshon Mengi-kan Ni Pansigshan

⁴¹ Kowan nen Jesus son si‐kara ey, “Apay ngarod nga kowan sha ey sota inkari nen Apo Shiyos ey ibetkag to din mengisedakan ket medepo bengat shi poli nen Ari David nonta bayag da?

San Lucas 20:41 Iomraidhean Croise

San Mateo 1:1

Si Jesucristo, poli nen David tan si Abraham. Nem ẃara pay iray eshom, jet sajay iray ngarangaran sha:

San Mateo 9:27

Idi eman‐ekad si Jesus ja edapo nodtan na dogad, ẃaray showen ekorab ja timened son si‐kato. Kimeljaw ira ja kowan sha ey, “Apo, kaasi‐i jokami! Waray namnama mi ey si‐kam i mengi‐odi nonta nantorayan da nen Ari David!” Kowan ira nonta ekorab.

San Juan 7:42

ta say kowan ni para padto nonta bayag da, sota mengisedakan ja ibetkag ali nen Apo Shiyos ket mandepo kono shi poli nen Ari David, tan shi Bitlihim kono pay i kedepo‐an to, ta si‐katoy ili nen Ari David.” (Sajay i kowan sha ta say pangkep sha, nay‐anak si Jesus shi Galilia.)

Inpaspasing 2:30

Isonga aliẃen si‐katon shorog i kaytoshongan nonta inpadto to, no diket inpadto to bengat. Amta to sota kari nen Apo Shiyos son si‐kato ja kowan to ey, ‘Wara aliy sakey so nonta polim ja panbedin kon ari ja inges mo jet si‐katoy on‐elbat so ni intorayan mo.’

Inpa-Amta Nen Jesucristo 22:16

Jet kowan nen Jesus son si‐kak ey, “Si‐kak si Jesus ja engibetkag ni anghil ko ja mengikowan niyay son si‐kam et isodat mo ngo so nonta ira emati son si‐kak ja ẃared ma ka‐ili‐ili. Si‐kak, say polin edapo‐an ko, si Ari David nonta bayag da. Si‐kak sota may‐eshig ey talaw wa mamowas ja maniyal.” Kowan nen Apo Jesus.