San Lucas 20:14 - Dibshon Mengi-kan Ni Pansigshan

¹⁴ Nem idi inon‐an ira nonta engajowan sota mismon anak nonta makabo‐day, nantatabtabal ira ja kowan sha ey, ‘Sajay sota anak nonta makakokowa niya gardin na tayoka pan‐obda‐i. Bono‐en tayo et say saja bo‐day ya tawid to koma, kokowa‐en tayo ma.’

San Lucas 20:14 Iomraidhean Croise

San Mateo 16:7

Nem sota ira too nen Jesus, ireka mansosongbat ni abos ja kowan sha ey, “Dinibkan tayo eshan ja engita‐jon ni balon tayon tinapay.”

San Mateo 21:25

Jet sipa ngarod i engibetkag so nen Juan ja en memonjag nontan — nemnem to ngo shorog ono si Apo Shiyos?” Nem sota ira apo ni papashi tan sota eshom ma pangolo ni Hodiyos, nantatabtabal ira ja kowan sha ey, “No ikowan tayo ey si Apo Shiyos, mesampolo kito tep ikowan to ey, ‘No kasta, apay nga eg jo ngarod pinati si Juan?’

San Mateo 21:34

Idi simabi sota timpon pekibingay to nonta obas, engibetkag ira nonta baga‐en to ja en mengeda ali nonta bingay to so nonta ira engajowan.

San Lucas 19:47

Si Jesus, nantoro ni inakew shi Timplo. Nem sota ira apo ni papashi, mamaistoro ni dinteg ni Hodiyos, tan sota eshom iren pangolo ni Hodiyos, piyan shen pasiya ja bono‐en si Jesus.

San Lucas 20:13

Anongosto ma ey sota makabo‐day, kowan to ey, ‘Ngarantoy pesing ko aya? Ensemek ko iya anak ko, nem ibetkag ko ga, tep mebedin emon ibaingan sha.’

San Lucas 20:15

Inkoyod sha nga agpayso sota anak nonta makabo‐day nontan et inbo‐day sha nodta alad et binonora.” Kowan nen Jesus ni arig to. Jet nontan ma, kowan nen Jesus ey, “Nganto emoy pesing nonta makakokowa nontan na bo‐day so nonta ira toon inpangajowan to?

San Lucas 20:19

Edawag ey sota mamaistoro ni dinteg ni Hodiyos tan sota ira apo ni papashi, si‐karay naytorongan nonta arig ga kowan nen Jesus. Isonga kowan sha ey seskelen sha si Jesus nontan na oras, nem entakot sha ira sota totoo.

San Lucas 20:5

Nem sota ira pangolo ni Hodiyos, nantatabtabal ira ja kowan sha ey, “No ikowan tayo ey si Apo Shiyos, mesampolo kito tep ikowan to ey, ‘No kasta, apay nga eg jo ngarod pinati si Juan?’

San Lucas 22:2

Sota apo ira ni papashi ni Hodiyos tan mamaistoro ni dinteg ni Hodiyos, piyan shen pasiya ja bono‐en si Jesus, nem entakot ira nonta totoon eshakel ja na‐awis son si‐kato. Isonga ireka mengenap nontan ni pesing shen memono son si‐kato.

Inpaspasing 2:23

Sigod ja amta nen Apo Shiyos i mepesamak ali son Jesus shiya dobong tep plano to ngoreshan na sigod. Jet siya, intolok ton metey si Jesus. Nem si‐kayon Hodiyos i mismo emono son si‐kato! Inpabonoyo so nonta ira i‐Roma ja nankekedsel jet indansara shi koros.

Inpaspasing 3:15

Jet si Jesus ja kepandepo‐i ni biyag, inpabonoyo! Nem si Apo Shiyos, inpanbiyag to mowan. Jet si‐kami i mismon engasas ni bakdang to nonta nanbiyag mowan.

I-Roma 8:17

Jet niman ma, ta annak shakito nen Apo Shiyos, mayda‐kam kiton mekiteẃid son Cristo nodta i‐akan nen Apo Shiyos: mayshedjaw kito ngo shi dangit ja kait nen Cristo. Mayda‐kam kito nodtan, ta kitoka manda‐kam ngo ni digat niman kabol ni tayoka pengonod son si‐kato, ja singa kitoka mekilikat son si‐kato.

Hodiyos 1:2

nem niman ma, simabi sota koston timpo, isonga ẃaray inpa‐amta to son si‐katejo ngo jet sota Anak ton mismo i inosal ton engipa‐amta son si‐katejo. Si‐katoy inpandaga nen Apo Shiyos ni dobong, jet si‐kato pay i shinotokan to ja makakokowa ni emin ingkatod ingka.