San Lucas 2:40 - Dibshon Mengi-kan Ni Pansigshan

⁴⁰ Sota nga‐nga, bima‐deg, tan kimedsang. Enemneman ma, tep tinodongan nen Apo Shiyos.

San Lucas 2:40 Iomraidhean Croise

San Lucas 1:80

Sota nga‐ngen si Juan, bima‐deg, tan enemneman. Idi ebadeg ma, nan‐iyan ni olay si Juan shima dogad ja naybetaw shi kad‐an ni too, ingkatod simabi sota akew wa pengitosho to nonta sigod ja inkowan nen Apo Shiyos ja itoro to nodta tood Israel.

San Lucas 2:47

Jet emin ira sota engitneng ni daing ton onsongbat so nonta ira mamaistoro, nasshaaw iren pasiya.

San Lucas 2:52

Si Jesus, bima‐deg, makedsang, tan enemneman tep si Apo Shiyos, ẃara son si‐kato, jet eshakel i toon makapiyan son si‐kato.

San Juan 1:14

Sotan na sigod ja ẃara son Apo Shiyos, ja engipa‐amta ali ni maypangkep son Apo Shiyos, nanbalin ni too, jet eki‐iyan son si‐katejon too. Inon‐an min mismoy kina‐Shiyos to — sota kina‐Shiyos ja in‐akan nen Ameto ta si‐kato bengat i Anak to. Emin na inon‐an min dingka to, ma‐sas ni olay ey ebadeg i semek to tan podnon emin i kowan to.

Inpaspasing 4:33

Jet nontan, sota ira apostol, mas kimedsang iren mengitosho ni maypangkep son Apo Jesus, jey nanbiyag mowan shi patey, jet si Apo Shiyos, ebadeg i kaasi to son si‐karen emin.

I-Ipiso 6:10

Jet niman, say ma‐onod ja ikowan ko son si‐kayo, sajay. Say nemnemen jo ja mengi‐kan ni kedsang jo, si Apo Jesus, tan sota panakabalin to.

2 Timoteo 2:1

Niman, si‐kam Timoteo ja anak ko shi pamati, say nemnemen mo ja mengi‐kan ni kedsang mo, sota kaasi nen Apo Shiyos ja ẃara son si‐katejo ni inpamati tayo son Cristo Jesus.