San Lucas 2:27 - Dibshon Mengi-kan Ni Pansigshan

²⁷ Intorong ni Ispirito Santo si Simeon shi Timplo et nontan na akew, indaw ngo nen Maria tan si Jose sota anak sha shi Timplo say dag‐en sha sota kowan ni bilin nen Apo Shiyos.

San Lucas 2:27 Iomraidhean Croise

San Mateo 4:1

Idi naksheng ja ebonjagan si Jesus, intorong ni Ispirito Santo ja ondaw shima dogad ja araẃid kawad‐an ni too, say peshasen nen Satanas shiman ja panbesol koma si Jesus.

San Lucas 2:22

Nonta shimanon sota timpon penongpalan shi Jose nen Maria nonta dinteg nen Moises maypangkep ni biin ipan‐anak to, ja kowan sha ey purification, indaw sha iyay ya nga‐nga shi Jerusalem say maybidang ey i‐awat shay biyag to son Apo Shiyos.

San Lucas 2:28

Jet si Simeon, inakẃal to sota nga‐nga asan eman‐iyaman so nen Apo Shiyos ja kowan to ey,

San Lucas 2:41

Tinaw‐en ja sota ama tan ina nen Jesus, ireka ondaw shi Jerusalem ni timpon piyasta ni Hodiyos ja kowan sha ey Paskowa.

San Lucas 2:48

Si Maria tan si Jose, nasshaaw ngo ira ni in‐asas sha so et kowan nen ineto ey, “Anak ko, apay nga dingkam iyay son si‐kami? Si amam tan si‐kak, eshanagan kamin pasiya ni ana‐anap mi son si‐kam.”

San Lucas 2:51

Jet si Jesus, ekidaw son si‐kara ja imakad shi Nasarit, ja toka pati‐en emin i kowan sha son si‐kato. Si ineto, emin iyay ya banag, toka nemnemnema shi poso to.

San Lucas 4:1

Si Jesus, nonta inpanbonjag to, ẃara nodta ebadeg ga pa‐dok ja kowan sha ey Jordan. Napno si Jesus ni Ispirito Santo nen Apo Shiyos et idi indekjas toy Jordan, intorong ni Ispirito Santo ja ondaw shima dogad ja araẃid kawad‐an ni too.

Inpaspasing 10:19

Jet nontan, kenemnemnema nen Pedro no ngantoy olog nonta inon‐an ton inpa‐sas nen Apo Shiyos son si‐kato. Jet ẃaray inkowan ni Ispirito Santo nen Apo Shiyos son si‐kato ey, “Asas mo, ẃaray tedon too ja emengenap son si‐kam.

Inpaspasing 11:12

Jet sota Ispirito Santo nen Apo Shiyos, inkowan to son si‐kak ey ekak manshowashowa ja mekidaw son si‐kara. Jet siya, angken saja enem ma a‐aki tayo shi pamati ja i‐Jopa, ekidaw ira son si‐kak, jet si‐kamin emin i dimaw shi baley nen Cornelio.

Inpaspasing 16:7

Jet idi simbira sota eteg ni Misia tan Galasia, inparas shen ondaw shi Bitinia, nem iso met laeng nga eg inpalobos ira ni Ispirito nen Jesus, ja ondaw ira nodtan.

Inpaspasing 8:29

Jet si Felipe, inshalan ni Ispirito Santo nen Apo Shiyos ja en mekilokan son si‐kato nodta kalisa.

I-Galasia 4:4

Nem idi simabi ma sota koston timpo, inbetkag nen Apo Shiyos ali sota Anak to. Jet sajay ya Anak to, in‐anak ni bii jet sinekopan nonta bilin ni Hodiyos manipod nonta inkay‐anak to.

Inpa-Amta Nen Jesucristo 1:10

Jet nonta ẃara‐ak shiman, naytompong ni akew ni Domingko, ja akew wa panshedjawan son Apo Jesus et inshalan towak ni Ispirito Santo nen Apo Shiyos; isonga nontan, ẃaray intenengan kon makedsang nga esel shi petek ni beneg ko ja singa trompita i kakedsang to,

Inpa-Amta Nen Jesucristo 17:3

Nontan ma, indaw towak nonta anghil shima dogad ja naybetaw wa enshiy totoon nanbalbaley jet sota Ispirito Santo ngo nen Apo Shiyos i engitoshong son si‐kak. Nodtan, ẃaray biin inon‐an ko ja nankabajo shi embalengen animal. Jet sotan na animal, si‐katoy naysolatan ni ekalkalasin ngaran, jet sajay ya naysolat, sotan i emengipa‐amta ey piyan nonta biin da‐pa‐an si Apo Shiyos. Waray piton toktok nonta animal la nankabajo‐an to, tan sampoloy sakdod to.