San Lucas 2:2 - Dibshon Mengi-kan Ni Pansigshan

² Sajay i pilmiron sinsos ja na‐amag nonta timpon kagobinarol nen Kirino shi Siria.

San Lucas 2:2 Iomraidhean Croise

San Mateo 4:24

Isonga nontan, eshamag iyay shi intiron sakop ni Siria, jet indaw sha ali son si‐kato sota ekalkalasiy sakit sha, pati sota ira emankelshas tan sota eg makakeykey i bakdang sha. Tan angken pay sota ira eman‐engaw ja kawad‐an ni dimonyo. Jet si Jesus, inpamapteng to ira jay ya emin.

San Lucas 2:1

Nonta timpon inkay‐anak nen Juan, naytompong ngon ẃaray inbilin nen Ari Agusto ey mesepol la emin na tood dobong, manpedista ira.

San Lucas 2:3

Jet emin ira sota too, dimaw ira ja nanpalista, ja tinonton shay edapo‐an ni apo sha.

San Lucas 3:1

Idi kinsin tawen ja nantoray si Ari Tibirio shi Roma, ẃaray inkowan nen Apo Shiyos ja bilin to so nen Juan ja anak nen Sakarias. Wara nontan si Juan shima dogad ja nay‐araẃid kadnan ni too. Jet ẃinasẃas ton emin i dogad shima kilig nonta ebadeg ga pa‐dok ja kowan sha ey Jordan, ja to intod‐an iray totoo. Jet say kowan to, “Mesepol la manbebawi kayo, asan kayoka manpabonjag, say pekawanan nen Apo Shiyos i basol jo.” Nontan ngon timpo, si Poncio Pilato i gobinarol shi Jodia, si Hirodis ngod Galilia, tan si Felipe ja agi nen Hirodis shi Itoria tan shi Trakoniti. Asan si Lisanias i toray shi Abilini. Say kangeto‐an nontan ja pari, si Anas nen Kaipas.

Inpaspasing 13:7

Jet sajay ya toon manmantala, emay‐od‐odop so nonta gobinarol shi Cyprus ja si Sergio Paulo. Sajay ya gobinarol, edaing; isonga to inpa‐odop ali si Bernabe nen Saulo ta piyan ton itenengan i esel nen Apo Shiyos ja maypangkep son Jesus.

Inpaspasing 18:12

Nontan na timpo naysa‐dat si Galion ja gobinarol shi Akaya ja shinotokan ni gobirnod Roma. Jet nontan, sota ira Hodiyos ja eg emati, nantotodag iren pebesolan si Pablo. Singkel sha et insharom shed oskaro,

Inpaspasing 23:26

“Si‐kak si Claudio Lisias ja makasolat niyay, jet sajay ya solat, ondaw so nen si‐kam, Gobinarol Felix, ja emayshedshedjaw wa gobinarol. Sapay koma ta mapteng i kasesaad mo niman.

Inpaspasing 26:30

Jet nontan ma, si Agripa, si Pisto, si Bernice, tan sota ira kait shen timanongaw nodtan, dimayat ira.

Inpaspasing 5:37

Idi enshiy bayag to, ẃara mowan i i‐Galilia nonta timpo ni sinsos ja si Judas i ngaran to. Eshakel mowan i imonod son si‐kato, nem binonora met laeng, jet sota imonod son si‐kato, nansisi‐jan met laeng ira.