San Lucas 19:7 - Dibshon Mengi-kan Ni Pansigshan

⁷ Nem emin ira sota toon engasas son Jesus ni indaw tod baley nen Sakio, ireka onẃanadegẃeg ja kowan sha ey, “Ngantoy daẃan tod man aya? Dimaw wa en memisita nima toon enshiy kenkenshat to!”

San Lucas 19:7 Iomraidhean Croise

San Mateo 20:11

Idi ineẃat sha mala sota dagbora, pan‐ikotot nonta ira epangdon nan‐obda sota toon nan‐obda‐an sha,

San Mateo 20:4

Jet kowan to son si‐kara ey, ‘Daw kayo ngo shima gardin ko jet kayo pan‐obda. Dagbo‐an takejo ni kosto.’ Jet sotan iren too, dimaw ira ja en nan‐obda.

San Mateo 9:11

Jet sota ira eshom ma Parisiyo, inon‐an sha iyay et kowan sha so nonta too nen Jesus ey, “Apay nga sama maistoro jo ket emekipengan so ira nima para singil ni bowis tan sama eshom ma toon enshiy kenshat sha, ja eshakel i basol sha?”

San Lucas 15:2

Jet sota ira Parisiyo tan mamaistoro ni dinteg ni Hodiyos, inkotot sha si Jesus, ja kowan sha ey, “Sajay ya too, ineẃat to ira sota totoon eshakel i basol sha, tan ekipengan pay son si‐kara!”

San Lucas 19:6

Kinano‐an nen Sakio ja jimapas et eman‐imdeng nga engolop son Jesus shi baley to.

San Lucas 19:8

Nem say kowan nen Sakio son Jesus, kowan to ey, “Apo, ninemnem koy pesing ko niman! I‐akan koy kagashowa ni kokowak shi nankebiteg, tan no sipa ira sota inda‐karan ko ni singil ni bowis, bayshan ko ira ni memin‐epat.”

San Lucas 5:30

Nem sota ira eshom ma Parisiyo, tan sota mamaistoro ni dinteg ni Hodiyos ja kait sha, inriri sha so nonta ira too nen Jesus ey, “Apay nga kayoka emekipengan tan emeki‐inom so ira nima para singil ni bowis tan sama eshom ma toon enshiy kenshat sha, ja eshakel i basol sha?”

San Lucas 7:34

Jet si‐kak niman na indaw ko di, enganak ni inges toy joka kena, tan enginomak, nem binedaw jowak met laeng, ja kowan jo ey, ‘Asas jo kari iman na too: makibel, ma‐inom ni adak, tan say kajem to pay, sota ira para singil ni bowis, tan angken pay sota ira eshom ma toon enshiy kenshat sha, ja eshakel i basol sha.’ Sotan i kowan jo maypangkep son si‐kak,

San Lucas 7:39

Sota Parisiyo ja engawis son Jesus, inon‐an to iyay et kowan to shorog shi nemnem to ey, “No podnon inbetkag nen Apo Shiyos iyay ya too, istay amta to koma iyay ya biin emirat son si‐kato, tan istay amta to komay ogadi ton ngaaw.”