San Lucas 19:47 - Dibshon Mengi-kan Ni Pansigshan

⁴⁷ Si Jesus, nantoro ni inakew shi Timplo. Nem sota ira apo ni papashi, mamaistoro ni dinteg ni Hodiyos, tan sota eshom iren pangolo ni Hodiyos, piyan shen pasiya ja bono‐en si Jesus.

San Lucas 19:47 Iomraidhean Croise

San Mateo 21:23

Idi mimotok ma si Jesus shi Jerusalem, nantoro shima Timplo, jet sota ira apo ni papashi tan sota ira eshom ma pangolo ni Hodiyos, dimaw ira di son si‐kato jet kowan sha son si‐kato ey, “Sipay engikowan ey dag‐en mo ira ta moka dagdag‐a shiya Jerusalem? Sipay engibetkag son si‐kam?”

San Mateo 26:55

Jet nontan met laeng, kowan nen Jesus so nonta ira eshakel la totoo ey, “No si‐kak i kowan jo ey a‐shelen jo, apay nga nan‐etak kayo tan ẃaray peg‐as jo? Apay tolisanak? Inakew met ja ẃara‐ak shima Timplo ja emantosho, ket apay nga eg jowak inshel nontan?

San Marcos 11:18

Shinemag ira nonta apo ni papashi ni Hodiyos tan mamaistoro ni dinteg ni Hodiyos iyay et pineshas shen enganap ni pesing shen memono son Jesus, tep ireka manshanag ey si Jesus i kabol ni eg sha ma so ira pati‐an ni karakdan kabol ni na‐awisan sha nonta toka pan‐itoro.

San Marcos 12:12

Edawag ey sota makakontra son Jesus, si‐karay naytorongan nonta arig ga inkowan nen Jesus. Isonga kowan sha ey seskelen sha si Jesus, nem entakot sha ira sota eshakel la totoo.

San Marcos 14:1

Showen akew pay et onsabi sota piyasta ni Hodiyos ja kowan sha ey Paskowa, tan sota piyasten pengan sha ni tinapay ja enshiy daok ton para debag. Jet nontan, nantatabtabal ira sota apo ni papashi ni Hodiyos tan mamaistoro ni dinteg no ngantoy pesing shen memono son Jesus, jet ninemnem sha ey olboren sha kono say ma‐shel et mebono.

San Marcos 14:49

Inakew met ja ẃara‐ak son si‐kayo shima Timplo ja emantosho, ket apay nga eg jowak inshel nontan? Nem angken, mesepol la sajay i medeka say metongpal sota padton naysolat nonta bayag da.” Kowan nen Jesus.

San Lucas 19:48

Nem enshiy shaka nemnemen pesing sha, tep eshakel i totoon na‐awis, ja pipiyan shen mantetneng ni emin na ikowan nen Jesus.

San Lucas 20:19

Edawag ey sota mamaistoro ni dinteg ni Hodiyos tan sota ira apo ni papashi, si‐karay naytorongan nonta arig ga kowan nen Jesus. Isonga kowan sha ey seskelen sha si Jesus nontan na oras, nem entakot sha ira sota totoo.

San Juan 10:39

Jet sota ira Hodiyos, piyan sha mowan na a‐shelen si Jesus, nem bimetik si Jesus; isonga eg sha inshel.

San Juan 18:20

Jet si Jesus, simongbat ja kowan to ey, “No maypangkep ni naka pantosho, naypalantaro — shima baley ya sa‐nopan, ono shima Timplo i naka pantosho‐i ni olay, tep shiman i kesa‐sa‐nopi ni kait tayon Hodiyos. Enshiy nak nantoro‐an shima nay‐emot, nem eg shima karakdan ni too ni olay i naka pantosho‐i.

San Juan 7:19

Idi enaksheng iyay ya inkowan nen Jesus, kowan to so nonta ira pangolo ni Hodiyos ey, “Sota dinteg nen Moises, ẃara son si‐kayo ja joka ad‐ashala, nem angken sakey son si‐kayo, enshiy emati nontan na dinteg nen Moises, ta no ẃara koma, apay nga kowan jo ey bono‐en jowak?”

San Juan 7:44

Jet sota ira eshom, piyan shen a‐shelen si Jesus, nem enshiy mengshel son si‐kato.