San Lucas 19:21 - Dibshon Mengi-kan Ni Pansigshan

²¹ Entakotak son si‐kam tep palado ken too. Moka pan‐al‐a pay i aliẃen kokowam, tan angken sota aliẃen molam, moka pan‐epita.’

San Lucas 19:21 Iomraidhean Croise

San Lucas 19:20

Nem sota sakey, nanparang ngo ali, jet kowan to ey, ‘Apo, iyay sota sandasos sa inpiyal mo son si‐kak. Dinibotan ko ni panjo et insingpet kon intalok.

San Lucas 19:22

Kowan nonta ari ni songbat to ey, ‘Si‐kam, eg ka mepiyal la baga‐en ko! Sota inkowan mo, si‐katoy kaybetayan ni keshosam! Amtam gayam ey palado‐ak ka too, amtam ey naka pan‐epitay angken aliẃen molak, amtam ey naka pan‐al‐ay aliẃen kokowak.

I-Roma 8:15

Jet sota Ispirito Santo ja ineẃat jon edapo so nen Apo Shiyos, aliẃen panbedin shakejo mowan ni singa baga‐en; marinel kayo ma, enshiy jo itakot ja shosa ali, no diket sota Ispirito Santo nen Apo Shiyos ja ineẃat jo, si‐katoy naybilangan jo ma ey annak tokejo. Jet si‐katoy kabol la tayoka ingadni so ma ey si Apo Shiyos i Ametayo.

I-Roma 8:7

Ta sota toon say toka nemnemnema ket sota naydowaman ton dag‐en ja ngaaw, emaykontra so nen Apo Shiyos. Ta eg sha pati‐en sota bilin nen Apo Shiyos, jet kenshat ta sotan ni olay, eg mebediwan.

2 Timoteo 1:7

Jet mesepol la osalen mo sotan, ta si Apo Shiyos, aliẃen in‐akan toy Ispirito Santo to son si‐katejo say ontakot kito, no diket say ẃaray kedsang tayo, semek tayo, tan tengel tayo ni bakdang.

Santiago 2:10

Jet karejo ikowan ey engka‐jas iyay ya basol, ta emin na basol, enshiy maykowan ey engka‐jas. No kaspangarigan ey ẃaray sakey ya too ja sakey bengat i eg to pinati nodta emin na bilin nen Apo Shiyos, maybidang ey eg to inonod ja emin sotan na bilin; bimasol met laeng.

1 San Juan 4:18

No ẃaray semek tayo so ni kait tayo, enshiy takot tayo. Ta sota shinel son Apo Shiyos ja ẃara son si‐katejo no ensemek tayoy kait tayo, si‐katoy kaondingding ni takot. Sota ẃaray takot to, kolang i semek to, ta say kabol la eẃara‐an ni takot to, ẃaray basol ton ikaro to.

San Judas 1:15

Jet ikesheng toy panbenagan ni emin na too ingkatod ingka: shosa‐en to ira sota toon ngaaw i aramid sha, tan sota toon ngaaw i shaka ikokowan pangkep son si‐kato.” Kowan nen Inok.