San Lucas 18:9 - Dibshon Mengi-kan Ni Pansigshan

⁹ In‐arigan nen Jesus ira sota toon kowan sha ey si‐kara i sigoradon mapteng mangoy aramid sha, jet kowan sha ey sota eshom, ayshi konoy kenkenshat sha. Jet kowan nen Jesus ey,

San Lucas 18:9 Iomraidhean Croise

San Lucas 10:29

Nem sota maistoro ni dinteg ni Hodiyos, emandeson. Isonga kowan to son Jesus ey, “Jet sipa ngarod i kowan mo ey kait kon sesmeken ko?”

San Lucas 15:2

Jet sota ira Parisiyo tan mamaistoro ni dinteg ni Hodiyos, inkotot sha si Jesus, ja kowan sha ey, “Sajay ya too, ineẃat to ira sota totoon eshakel i basol sha, tan ekipengan pay son si‐kara!”

San Lucas 16:15

Inkowan nen Jesus son si‐kara ey, “Si‐kayoy emengikokowan ey mapteng kayo et say i‐etek shakayo ni totoo. Nem si Apo Shiyos, amta toy ẃared nemnem jo, jet sota toon mengiredjaw ni bakdang to shorog, en‐oges nen Apo Shiyos ja ishemshemang.

San Lucas 18:11

Dimayat sota Parisiyo jet kowan to shorog shi bakdang to ni shawat to ey, ‘Salamat Apo Shiyos, tep aliẃen inges ko iya para singil ni bowis ja enshiy kenkenshat to. Salamat tep aliẃen mapidiwak, aliẃen malokdoko‐ak, aliẃen mabii‐ak, ja inges toy aramid ni eshom.

San Lucas 19:7

Nem emin ira sota toon engasas son Jesus ni indaw tod baley nen Sakio, ireka onẃanadegẃeg ja kowan sha ey, “Ngantoy daẃan tod man aya? Dimaw wa en memisita nima toon enshiy kenkenshat to!”

San Lucas 7:39

Sota Parisiyo ja engawis son Jesus, inon‐an to iyay et kowan to shorog shi nemnem to ey, “No podnon inbetkag nen Apo Shiyos iyay ya too, istay amta to koma iyay ya biin emirat son si‐kato, tan istay amta to komay ogadi ton ngaaw.”

San Juan 8:48

Jet idi intenengan nonta ira Hodiyos iyay ya inkowan nen Jesus, kowan sha ey, “Agpayso gayam sota kowan mi ey i‐Samaria ka ja makakontra son si‐kamin Hodiyos. Tan agpayso gayam sota kowan mi ey ẃara son si‐kam i dimonyo.”

San Juan 9:28

Sota ira Parisiyo, nan‐es‐esdan sha sota toon istay ekorab asan shaka ma ikowan ey, “Si‐kam a! Too toka! Nem si‐kami, too shakami nen Moises.

San Juan 9:34

Jet sota ira pangolo ni Hodiyos, kowan sha ey, “Sesi‐kam, kowan mo ey tod‐an mokamin maka‐amta ni dinteg, ey inba‐deg may basol!” Idi enaksheng iyay ya inkowan sha, ingkal sha nodta sa‐nopan ja kowan sha ey eg ma mekisa‐sa‐nop.

Inpaspasing 22:21

Nem say songbat to son si‐kak, kowan to ey, ‘Daw ka, ibetkag taka shima araẃin dogad ja kawad‐an ni toon aliẃen Hodiyos, jet si‐karay itod‐an mo ni maypangkep son si‐kak.’ ”

I-Roma 10:3

Ta eg sha amtay koston pesing sha say kosto‐an ira nen Apo Shiyos. Say ẃared nemnem sha, kowan sha ey sota pandekara ni mapteng, si‐katoy kosto‐an so ira nen Apo Shiyos, jet si‐katoy shaka pespesing; eg sha i‐onod nodta kowan nen Apo Shiyos ey dag‐en sha koma.

I-Roma 14:10

Jet emin kito, onsango kito so nen Apo Shiyos shima tinongawan to, jet amta‐en tayo ma sota nanbanagan ni dingdingka tayo nonta ẃara kitod biyag. Isonga eg jo koma bedawen no ngantoy asen jon apil la ẃared nemnem ni eshom, tep agi jo met laeng sotan shi pamati; baybay‐iyo.

I-Roma 14:3

Nem sota toon mebedin na kenen toy angken nganto, aliẃen to koma bedawen sota nagshengan i toka kena. Jet kasta met sota sakey, eg to koma bedawen sota emengan ni angken nganto. Tep inges to ngon ineẃat nen Apo Shiyos met laeng sotan na too.

I-Roma 7:9

Nontan da, angken si‐kak naka manbibiyag ja ekak amta sota maypangkep nonta sigod ja bilin jet ekak panshanagan i emin na naka dagdag‐a. Nem idi simabi ali sotan na bilin son si‐kak, singa ebangon sota sigod ja ngaaw wa ẃared nemnem ko jet inamta‐an ko may basol. Jet nontan i in‐amtak so ey meshosa gayam ingkatod ingka sota toon manbesol.