San Lucas 17:6 - Dibshon Mengi-kan Ni Pansigshan

⁶ Simongbat si Apo Jesus ja kowan to ey, “No say kaba‐deg ni pamatiyo ket may‐eshig shi botil la ootilek, mebedin na ibetkag jo sota ebadeg ga kiyew ey, ‘Kagabot ka et kaymola ken shorog shima baybay!’, jet may‐agpayso ja pati‐en toy kowan jo.

San Lucas 17:6 Iomraidhean Croise

San Mateo 14:29

Simongbat si Jesus ja kowan to ey, “Siya, kala.” Jet si Pedro, jimapas nodta bangka, jet nan‐akad nodta tapew ni shanom ja kowan to ey to sebi‐en si Jesus.

San Mateo 17:20

Simongbat si Jesus ja kowan to son si‐kara ey, “Ekolang eshan i pamatiyo. Agpayso iya ikowan ko son si‐kayo. No ẃara koma i pamatiyo ja angken ootilik, ja inges toy kaba‐deg nonta botil nonta mola ja kowan sha ey mostasa, mebedin na ikowan jo so nima shontog ey on‐etan shi apil la dogad jet ma‐tan nga agpayso. Jet no inges nontan i pamatiyo, enshiy jo ikowan ey edigat son si‐kayo.

San Mateo 21:21

Kowan ma nen Jesus ey, “Agpayso iya ikowan ko son si‐kayo. No ẃaray pamatiyo ja enshiy showashowa to, aliẃen sota dingkak so niya kadasan bengat i mebedin jon dag‐en, no diket mebedin na ikowan jo pay niyay ya shontog ey ma‐tan shorog ja ondaw shima baybay, jet mayto‐to‐ẃen medeka.

San Marcos 4:31

May‐eshig nodta botil ni sakey ya kalasin mola. Sajay ya botil, no may‐a‐sek shi bo‐day, ootilik ka pasiya, ja enshiy kay‐ingesan ni ka‐ootik to shiya dobong,

San Marcos 9:23

Kowan nen Jesus ey, “Singa kowan mo ey ekak emo baalan? Sota toon ememati son Apo Shiyos, kabedinan ton emin i angken nganto.”

San Lucas 13:19

Say pantoshayan nen Apo Shiyos, may‐eshig nodta botil ni sakey ya kalasin mola, ja ootilik. Sajay ya botil, inda ni too et in‐esek tod bo‐day to. Idi bima‐deg sota mola, nanbalin ni ebadeg ga kadasan, jet sota ira titit, nan‐obong ira shima pangpanga to.”

San Lucas 17:7

“Kaspangarigan ey ẃaray baga‐en ja inpangesharo ni apo to, ono inpanbantay to ni kalniro, ja imakad alin edapod obda to, aliẃen ogadi tayo ey si‐katoy mepangdon mengan nem say apo to.

San Lucas 19:4

Isonga say inpasing to, nanbetik ja epangdo nodta shalan ey say sota ira totoo, jet kimalab shi kiyew wa kowan sha ey sycamore, say asen tos Jesus nem manshedan ali nodtan.

San Lucas 7:13

Idi inon‐an nen Apo Jesus sota bii, naysemekan et kowan to so nonta bii ey, “Kareka onnangis.”

San Lucas 7:19

Jet tineẃal nen Juan i showa son si‐kara et inbetkag ton en mengibeka son Jesus nem si‐kato sota inkari nen Apo Shiyos nonta bayag da ey ibetkag to di ja mengisedakan, ono ẃaray apil la seskeshen sha.

1 I-Korinto 13:2

Jet angken bilang ey edaingak ja mengitosho nonta inpa‐amta nen Apo Shiyos tan amtak pay ya emin sota eg amta ni eshom maypangkep son Apo Shiyos, tan angken amtak pay ya emin sota ashal ni emin na too, tan ebadeg ga pasiya i pamatik, ja sotan i kabol la posi‐an ko son pa‐tan so ni shontog, no enshiy semek ko so ni kait ko, enshi met laeng i silbik ka too.