San Lucas 17:26 - Dibshon Mengi-kan Ni Pansigshan

²⁶ “Say arig ni timpon idaw mowan ali nonta naypadton Anak ni Too, inges toy timpo nen Noe. Ta sota aramid ni totoo nontan den timpo to, inges to met laeng i aramid ali ni totoo ni idaw ko mowan ali, jet inges to mowan i idibag ni totoo.

San Lucas 17:26 Iomraidhean Croise

San Lucas 17:22

Kowan nen Jesus so nonta ira too to ey, “Waray timpon onsabi ali ja pandikat jo, jet piyan jon asen i angken san‐akew wa pantoshay ko di. Nem eg mebedin.

San Lucas 17:24

Ta say itsora ni idaw ali mowan nonta kowan ni para padto ey Anak ni Too, ja mantoshay, inges toy bagidat ja silẃan ton shagos i emin na naykayang.

San Lucas 17:27

Ta nonta aneng pay laeng sota dayos, enshiy shaka panshanagi ni inakew: ireka mengan, ireka menginom, ireka man‐a‐asawa — ingkato nonta simabi sota timpon simekep si Noe nodta barko to. Jet idi simabi ma sota dayos, etey iren emin.

San Lucas 17:7

“Kaspangarigan ey ẃaray baga‐en ja inpangesharo ni apo to, ono inpanbantay to ni kalniro, ja imakad alin edapod obda to, aliẃen ogadi tayo ey si‐katoy mepangdon mengan nem say apo to.

San Lucas 18:8

Say kowan ko son si‐kayo, si Apo Shiyos, aliston mengibediw so ni too to; isonga eg kayo koma medisdismaya. Enshiy showashowa maypangkep son Apo Shiyos, nem si‐kayo mangon too, piga emoy memati pay laeng son si‐kak ingkatod i‐olik mowan ali?”

Hodiyos 11:7

Jet si Noe ngo, tep emati son Apo Shiyos, pinati to sota banshaan nen Apo Shiyos, angken eg to pay laeng nin inon‐an nontan i dayos ja kowan nen Apo Shiyos ey mepesamak. Jet say inpasing to, nandaga nonta barko ja nandoganan to tan sota ira pamilja to; isonga eg ira edayos. Jet sotan na dingka to, si‐katoy kinosto‐an so nen Apo Shiyos son si‐kato, ta toka kosto‐i sota ẃaray pamati to; nem sajay ya dingka nen Noe, si‐kato ngoy ka‐amta‐an to ey sota ira eshom ma totoo nonta timpo to ket nankolang ira tep eg ira emati ja inges nen Noe.

2 San Pedro 2:5

Asan sakey pay, sota ira totoo nonta bayag den timpo nen Noe ja nankekedsel, enshiy en binaybay‐an nen Apo Shiyos son si‐kara. Dinedjos to iya dobong et nalned ja emin ira sota totoon eg emati son si‐kato. Say ebiyag nontan ja eg nalned, si Noe bengat tan sota piton kait to, ta si Noe bengat i engikowan nontan ey manbebawi iray totoo ja mapteng may dag‐en sha.

2 San Pedro 3:6

Jet shanom met laeng i inosal to nonta dinedjos to iya dobong.