San Lucas 17:15 - Dibshon Mengi-kan Ni Pansigshan

¹⁵ Jet sota sakey son si‐kara, idi inon‐an ton mimapteng ma, nay‐oli din epaladoy dadsak to son Apo Shiyos.

San Lucas 17:15 Iomraidhean Croise

San Mateo 9:8

Idi inon‐an ira nonta totoo sotan na edaga, naykel‐eẃan ira, nem inshayaw shes Apo Shiyos, tep ineẃatan sha ey panakabalin nen Apo Shiyos gayam sotan na inon‐an shen edaga ja inpiyal nen Apo Shiyos so ni kait shen too.

San Marcos 2:12

Jet siya, bimangon sota toon istay eg makakeykey i bakdang to et inda to sota amaka to, asan toka ira ilekjas. Jet inon‐an ira nonta eshakel la too iyay ya epasemak. Nasshaaw ira et inshayaw sha si Apo Shiyos, ja kowan sha ey, “Enshiy mi inon‐an na inges niyay nontan da ingkato niman!”

San Juan 5:14

Idi enshiy bayag to, simbi nen Jesus iyay ya too shima Timplo, jet kowan to son si‐kato ey, “Niman, ta mapteng ka ma, tanshaanim; aliẃen ka mowan manbesol, ta amangan no ekarkaro aliy da‐kaman mon digat ey say sota epangdon dina‐kaman mo la.”

San Juan 9:38

Sota toon istay ekorab, simongbat ja kowan to ey, “Apo, naka memati son si‐kam.” Jet sotan ma ey nantalimokod ja nanshayaw son Jesus.