San Lucas 17:1 - Dibshon Mengi-kan Ni Pansigshan

¹ Kowan nen Jesus so nonta too to ey, “Waren kenshat i onsabin panbesolan ni too, nem kakaasi sota toon mengi‐kan ni panbesolan ni kait to.

San Lucas 17:1 Iomraidhean Croise

San Mateo 16:23

Nem si Jesus ẃiningi to si Pedro jet kowan to ey, “Betawimak si‐kam ma Satanas! Karam tipeshen i mesepol la dag‐en ko. Say nemnem mo, aliẃen sota plano ja nemnem nen Apo Shiyos, no diket sota etoo‐an na nemnem.”

San Mateo 18:7

Ara, ngaaw i itsora ni tood ja dobong ja emengi‐kan ni panbesolan ni kait sha! Ẃaren kenshat i onsabin panbesolan ni too, nem kakaasi sota toon mengi‐kan ni panbesolan ni kait to.

San Lucas 16:31

Nem kowan mowan nen Abraham ey, ‘No eg sha pati‐en sota bilin nen Moises, tan sota ira esel ni para padto, angken ẃaray manpeẃil la etey, eg sha met laeng pati‐en.’ ”

I-Roma 14:13

Jet niman ma, ibi‐jag tayo sota tayoka pemedaw ni eshom. Mesepol la nemnemen tayo shorog i tayoka dagdag‐a say aliẃen si‐katejoy kabol la kepoyan ni pamati ni eshom.

I-Roma 16:17

Sheẃaten ko son si‐kayon a‐aki shi pamati ey tanshaaniyo ira sota eg makakosto nonta koston toro ja naytoro son si‐kayo, ta si‐karay emengi‐kan ni eg jo pan‐inawatan, tan kaondingding ni pamatiyo. Araẃi‐i jo ira.

1 I-Korinto 10:32

Asas jon eg kayo mengi‐kan ni kedismaya‐an ira nonta makapiyan na memati koma son Cristo — Hodiyos ono sota aliẃen Hodiyos — tan karekayo pay mengi‐kan ni kedismaya‐an ira nonta kait jon emati.

1 I-Korinto 11:19

ta kenshat ni si‐katen too ja sajay i medeka. Jet ipalobos nen Apo Shiyos say ma‐on‐an nem sipay emepiyal la emati.

1 I-Korinto 8:13

Isonga no si‐kak, angken ekak ma mengan na polos ni apag, no sota mekan i kabol la kedismaya‐an ni agik shi pamati to, say aliẃen si‐kak i kabol.

1 Timoteo 4:1

Sota Ispirito Santo nen Apo Shiyos, edawag ja inpa‐amta to ey no ma‐onod alin timpo, ẃaray eshom so nonta ira emati ja mengibi‐jag ni pamatira, jet say onoran sha, sota toro nen Satanas ja o‐owap.

Inpa-Amta Nen Jesucristo 2:14

Nem si‐kayo, ẃaray eshom ma ogadiyo ja ekak kosto, ta sota eshom pay laeng son si‐kayo, inonod sha sota toro nen Balaam nonta bayag da. Si Balaam nontan da, intod‐an tos Balak, say si Balak ngoy mengi‐kan ni panbesolan ira nonta tood Israel. Jet say nanbasolan sha, engan ma ira nonta naydaton shi sinan shiyos, tan emii pay ira.

Inpa-Amta Nen Jesucristo 2:20

Nem ẃaray naka bedawa son si‐kayon i‐Tiyatira. Intolok jon mantosho son si‐kayo sota biin si Jisibil ja kowan to ey si‐katoy mismon para padto kono nen Apo Shiyos. Jet nakol ni sota ira took, nay‐owapan ira, jet etod‐an ma ira ja memii, tan ireka pay mengan mala ni naydaton shi sinan shiyos.